VOV.K'Ho- Tơnơ̆ mờ tơmŭt bal, càr Gia Lai tŭ do geh 283 tơnao dơng dà mờ kờp jơh khà dà geh di pơgăp 1 tơmàn 200 tơlăk khối.

VOV.K'Ho- Broă lơh “gùng tơlir” mờ jơh broă lơh geh lơh jăt măi mok pa mờ jòi tiah tam mờ màh QR geh kơ̆p gơn tơrmù ờ jŏ tơngai lòt gan, tơrmù priă tă logistics mờ tơnguh uă bơta pràn tàm pơrlòng ai gah phan kă bro sầu riêng in. Mơya, tơnơ̆ rơlao 2 nhai lơh, broă lơh do kung gam ờ hềt tam gơl loh làng. Tàm tŭ kàl tơnhào dờng ngan tàm nam tàm Tây Nguyên gam mờr tus, broă tơrbloh “gùng tơlir” tăc mờ lơgar bơdìh pơn jăt tai là jơnau kờñ jal mhar gơwèt mờ gah phan kă bro do.

VOV.K'Ho- Neh geh tŭ là ală bă ù tam phan ờ huan lơh geh cồng nha, ù klàr jăt tŭ tơngai, uă bă ù broă lơh sa sươn sre tàm càr Dăk Lăk gam geh tam gơl tus tam tờm tơngời lơh phơng hữu kơ mờ ròng phan (gam geh hòi là tơngời sinh khối). Mờ priă cồng rlau 100 tơlak đong dùl lồ pah nam, broă lơh lơh bal đah cau lơh broă sa, mpồl lơh sa kă bro mờ gơnoar ătbồ ƀòn lơgar gam lơh gơlik geh drà tăc sùm, lơh tam gơl wơl ù lơh sa, ngui geh cồng nha ală phan sang mờ gơgơs ală anih lơh gơlik phan kơnhăp jŏ ai gah ròng siam phan in.

VOV.K'Ho- Tềng đăp mờ jơnau kờñ bơtàu tơnguh lơh sa suơn sre jăt gùng dà broă lơh pa mờ kơl jăp, càr Lâm Đồng gam ai lài broă lơh geh uă ală broă tơrlòng lơh sa suơn sre tơlir, ngăc ngar, ngui măi mok pa nàng lơh sa di pal mờ jơnau kờñ ngai sơlơ uă bơh drà kă bro dê.

VOV.K'Ho- Anih tờm Dong kờl Bơto pơlam lơh broă sa suơn sre dà lơgar, Anih Kơlôi sơnơng bơta jăk chài Lơh sa suơn sre Brê bơnơm Tây Nguyên bal mờ ală mpồl lơh broă gơrềng bal pa bơyai lơh tơlik măt broă tam jào măi mok tam phan kơl jăp. Tàm tiah lơh tơrlòng lài, git nđờ rơhiang nă làng bol, kwang bàng lơh broă tàm anih dong kờl bơto pơlam broă lơh sa suơn sre mờ cau jăk chài lơh sa suơn sre geh dơ̆ tus sền broă tam sầu riêng mờ kơphe ngui bơta gơguh jăk bơta jăk chài, gơdờp mờ tam gơl trồ tiah mờ jơnau kờñ ngan sơlơ uă bơh drà kă bro tăc phan mờ lơgar bơdìh dê.

VOV.K'Ho- Jơnau geh ngan ờ lơh jăt sră hơ pơrgon, ờ lơh jăt jơnau hơ lơh bal gam lơh tơn tĕ ală anih blơi jơh phan lơh geh bơh sươn sre. Bồ tơngoh lơh sa lơh duh sa duh ờ mìng lơh gơbàn rềs àr gơ aniai ai mpồl lơh sa kă bro, mpồl lơh broă bal in lơm mờ gam ai tĕ tŭ niam bơh să tờm cau lơh broă sa dê tơn tŭ mŭt tàm anih nhơl tăc phan mờ lơgar ndai jăt gùng ngan ngồn gơ sồr bơta lơh glài mờ song dơ pă loh làng ngan.

VOV.K'Ho- Nàng gàr brê, mpồl sền gàr brê càr Quảng Ngãi neh pơgồp bal uă gùng dà broă lơh: ngui flycam jăt sền bơh đang ñhoa, mờ bơyai lơh ai ală mpồl lòt sền brê, tus tàm ală tiah. Bơh tàm tiah ù tus tàm kơl wàng trồ, broă sền gàr gam geh lơh rơcang lài, nàng gŏ gờñ bơta di gơlan gơtìp ồs sa tàm bơta trồ tiah prang duh uă mờ gàr bơta tơlir ai git nđờ rơhiang rơbô lồ brê in.

VOV.K’Ho- Tàm sơnah ƀòn Pleiku, Sờh Lơh sa mờ măi mok mờ kă bro phan càr Gia Lai bơyai lơh Pơrjum tàm tơrbŏ bal phan lơh gơs bơh suơn sre, phan OCOP mờ phan tiơng pơn rơ nam 2026.

VOV.K’Ho- Tàm càr Dăk Lăk, Mpồl Dà mờ Tiah ơm kis Việt Nam pơgồp bal mờ Cơldŭ lơh broă Đơng lam Pơgồp bal ƀòn lơgar pa Dà lơgar, Anih tờm rơndap ù tiah mờ sền swì phan kuơ dà Dà lơgar bal mờ Anih duh broă Làng bol càr Dăk Lăk bơyai lơh tìp mat cribơyai mờ tơngume: “Atbồ, ngui mờ hòi jà bơcri priă rề ơnàng phan kuơ dà pơgồp bal mờ lơh sa suơn sre, ƀòn lơgar pa mờ năng lượng tơlir tiah tàm gùl lơgar - Tây Nguyên”.

VOV.K'Ho- Tàm bơta Việt Nam wèt tus jơnau kờñ gơguh tai tăc phan mờ lơgar ndai kơnhăp jŏ, ală jơnau sồr bè sền swì kòp bơtờp phan kis, phan tam, niam sàng goh phan sa (SPS) mờ is ồn là Jơnau lơh nền Cíñ phủ dê 280 bơh Tổng Kụk Sền swì phan tăc blơi mờ lơgar ndai lơgar Lo dê gam lơh gơlik bơta kơn jơ̆ uă ngan gơ wèt mờ mpồl lơh sa kă bro. Bulah bè hơ̆, do kung là gơn kơnờm nàng gah broă lơh sa sươn sre tam gơl jăt gùng lơh broă mờng chài, song dơ pă loh làng mờ kơnhăp jŏ rlau.