6 nhai bồ nam do, tac hờ lơgar ndai sầu riêng geh pơgap rlau 950 tơlak dolar Mỹ, gơguh rlau 31% pơndrờm dùl tŭ bal mờ nam lài. Tus jơh nhai 7 nam do, gùt lơgar geh rlau 1 rbô 200 màh sồ tiah tam mờ 120 anih dăp ơn klơm sầu riêng gam lơh broă.

Tàm 5 nhai gam wơl nam 2026 dê, khà sầu riêng kờp dŭ gam mờr 1 tơlak 200 rbô tấn, tàm hơ̆ mìng is tiah Tây Nguyên mờr 850 rbô tấn. Mờ khà màh sồ neh geh lơh, pràn jak tac hờ lơgar ndai sầu riêng Việt Nam dê lơh jat jơnau sồr tac hờ lơgar ndai nam 2026. Đơs pơn dut dơ̆ lơh broă, ồng Hồ Quốc Dũng, Phó Thủ tướng đơs sùm, ală bơta lòng drà tac phan dê bè gùng dà sền gàr kă bro phan, bơta gơ kòl bè jak chài măi mok, jơnau sồr uă bè jòi git anih lơh gơlik, bơta kơn jơ̆ tàm pơrlòng sồr pal tơrgùm rlau tai tàm broă tă bơsong ală kal ke, bơta gơ kòl nàng tac hờ lơgar ndai gah lơh phan sầu riêng lơh geh cồng nha niam ngan rlau jơh, pơn đơl lơh geh 4 tơmàn dolar Mỹ tàm nam do.