Do là jơnau yal chờ hờp, pờ tai tŭ tơngai niam ai sầu riêng Dăk Lăk mut tàm drà kă bro lơgar Lo jat gùng tăc uă jat sră pơrgon tăc phan mờ lơgar ndai. 140 mã sồ tiah tam sầu riêng geh pà mờ kờp jơh bă ù ơnàng rlau 4 rơbô 300 lồ; mờ 31 anih dăp ơn klơm sầu riêng plai ris, geh kờp jơh bă ù ơnàng rlau 91 rơbô thơk vuông; bơta pràn lơh geh pơgăp 5 rơbô 500 tấn dùl ngai. Tŭ do, càr Dăk Lăk geh pơgăp 44 rơbô lồ sầu riêng, khà lơh geh nam 2026 kờp dŭ 500 rơbô tấn. Tềng đăp dơ̆ kĭ ring bal pa, càr geh 280 tiah tam mờ pơgăp 7 rơbô 500 lồ mờ 41 anih dăp ơn klơm plai ris geh pà mã sồ tăc phan mờ lơgar ndai.

Broă geh pà tai 140 mã sồ tiah tam mờ 31 anih dăp ơn klơm dong tơnguh uă ngan bơta pràn jak tus bal ală anih tăc phan mờ lơgar ndai jat gùng tăc uă jat sră pơrgon tăc phan mờ lơgar ndai, mơkung lơh geh tai ală bơta nàng ală tiah tam phan, mpồl lơh sa kă bro lơh geh jơnau sồr ngai sơlơ uă bơh drà kă bro lơgar Lo dê.