VOV.K'Ho- Dơ̆ sơnrờp dồ bă sầu riêng geh tàm pơrlòng giă tàm tiah tam tơn tàm sàh Krông Pắc, càr Dăk Lăk neh geh mpồl lơh sa kă bro blơi mờ giă jơnhoa rlau mờr 24% pơndrờm mờ giă bơh chờm. Broă lơh tàm pơrlòng giă là broă lơh bơh sơnrờp sơnđờm ală broă lơh bơh Lơh chờ Sầu riêng Dăk Lăk nam 2026 dê, wèt tus tàm tơrbŏ tơn đah cau lơh sươn mờ mpồl lơh sa kă bro tơrgùm blơi, tăc mờ lơgar ndai.

VOV.K'Ho- Nàng kờñ jòi ală gùng dà broă rơndăp lơh tơngguh uă bơta niam kơphê Robusta bơh broă lơh gơlik tơn, tàm Bảo Lộc, càr Lâm Đồng geh lơh Pơrjum cribơyai: “Tơngguh uă bơta niam kơphê Robusta Việt Nam bơh chờm tơn” mờ tơlik măt rơndăp broă lơh: “Đơs nền anih ơm kơphê Robusta Việt Nam”. Broă lơh hòi tơrgùm ala măt anih lơh broă ătbồ, cau jak chài, mpồl lơh sa kă bro, tơrgùm ală mpồl gah phan bal mờ rlau 200 hìu làng bol lơh broă sa, mpồl lơh broă bal càr Lâm Đồng mờ Dăk Lăk.

VOV.K'Ho- Tơnơ̆ tơmŭt bal, 3 càr Dăk Lăk, Gia Lai mờ Lâm Đồng geh bă ù ơnàng rơlao 63,8 rơbô kơi sồ vuông, geh 1 bơnah 5 bă ù gùt lơgar dê, mờ khà kờp làng bol 10 tơlăk 790 rơbô nă làng bol, ndrờm mờ 1 bơnah 10 khà kờp làng bol gùt lơgar dê.

VOV.K'Ho- Mìng gam pơgăp dồ nhai tai là mŭt tàm kàl tờm pik tơnhàu sầu riêng tàm Dăk Lăk. Krơi mờ ală nam lài, tơngai do ñhòt cau kă phan mŭt tàm sươn lòt lùp sền, tong lài priă halà tam pìt blơi. Drà gơlơh bè ngềt ngơ̆t rlau, mơya kung pà gŏ broă lơh tơrgùm blơi rơhời gơlòt mŭt tàm bơta rơndăp tăp sèng.

VOV.K'Ho- Ală càr tàm Tây Nguyên gam ntào tềng đăp mờ jơnau kờñ “bơsong” git nđờ rơhiang rơndăp broă lơh, ai geh bơta pràn gơguh lơh sa mờ wèt tus jơnau kờñ rơlao 10%. Mơya, bơdìh mờ gơkòl bè kơrnoăt boh lam, sră nggal mờ bơta pràn priă bơcri, jơnau cau lơh broă gam gơs tiah gơkòl dờng ngan. Uă nam do, cau lơh broă git chài lơh neh tam gơl tus mờ ală tiah tờm lơh sa đah Jum, lơh càr ờ tơl uă ngan cau lơh broă, tàm hơ̆ uă ngan tàm ală gah broă tờm. Ròt jơnau cih bơh Tuấn Long dê geh mblàng sền wơl bơta mùl màl do, lơh loh bơta lòng mờ pờ geh gùng dà broă lơh ai broă cau lơh broă tàm ală càr tiah Tây Nguyên in. Jơnau cih sơnrờp là: “Ờ geh cau lơh broă bơh anih lơh rơndăp broă tus mờ suơn mìr bal mờ hìu măi”.

VOV.K’Ho- Drim òr (21/07), tàm Ninh Bình, Anih tờm Dong kờl bơto pơlam broă lơh sa suơn sre Dà lơgar pơgồp bal mờ Sờh Broă lơh sa suơn sre mờ Tiah ơm kis càr bơyai lơh Anih cribơyai Dong kờl bơto pơlam broă lơh sa suơn sre mờ tơngume “Gùng dà broă rơndăp lơh bơtàu tơnguh ròng lơ we kơnhăp jŏ pơgồp bal mờ mat kă bro phan bơna”.

VOV.K’Ho- Anih duh broă Làng bol càr Gia Lai pa ai lơh jat Jơnau lơh nền sồ 3002 bơh Anih duh broă Làng bol càr dê dờp gùng dà broă lơh mơkung dờp cau dờp lơh lơh Rơndăp broă lơh Anih Kơlôi sơnơng mờ bơtàu tơnguh kơphê AI- Gia Lai, mờ kờp jơh priă bơcri lơh 326 tơmàn đong.

VOV.K’Ho- Bàr ngai do, Sờh Niam chài, Tàp pràn să jan mờ Lòt nhơl càr Dăk Lăk bơyai lơh broă lơh lòt sền geh ngan mờ sền gĭt mờ tơngume “Gùng lòt bơh suơn tus khòc dà kơphê”

VOV.K'Ho- Bơh broă lơh tơrlòng lài uă ngan lơh bal lơh sa bơh cau lơh broă sa dê, uă mpồl lơh broă bal tàm càr Dăk Lăk gam tam gơl pràn tus broă lơh bơh mpồl lơh sa kă bro pa dê: rơcăng lài ătbồ broă, lơh măt kă bro, rề ơnàng drà tăc blơi mờ mŭt bal tàm ală broă lơh gơlik phan. Bơta tam gơl bơh bồ tơngoh kơ̆p kơldìng dong kờl tus rơcăng lài is bơtàu tơngguh gam lơh gơlik bơta pràn tam gơl pa ai lơh sa bal in, pơgồp bơnah tơngguh uă priă lơh geh ai cau tàm mpồl in mờ lơh geh bơta gơn kơnờm gơguh tai ƀòn lơgar in.

VOV.K’Ho – Broă “teh plai sầu riêng” cèng wơl priă lơh geh git nđờ jơt tơlak đong, geh tŭ lơh geh 100 tơlak đong pah nhai kơnờm bơta chài krơi is. Bulah bè hơ̆, tơnơ̆ priă lơh geh uă ngan là bơta pơlam tàp nền nòn mờ bơta kơn jơ̆ tơm wơl uă ngan dilah cau chài teh plai gơ di koh tìs plai pơn da.