VOV.K'Ho- Dùl tiah tam sầu riêng git nđờ rơhiang lồ, git nđờ rơhiang hìu làng bol geh tus bal lơh, mơya di lah tơl nă cau lơh dùl broă lơh krơi is den broă di pal mờ jơnau kờñ drà kă bro tăc mờ lơgar bơdìh là gùng dà kal ke ngan. Hơ̆ kung là broă geh ai tơlik tàm pơrjum bơyai bè atbồ, lơh geh sùm màh sồ tiah tam, màh sồ hìu dăp klơm phan mờ gùng dà broă lơh nàng tơnguh bơta niam, rề ơnàng drà tăc phan geh lơh bơh broă lơh sa suơn sre mờ lơgar bơdìh, geh Anih tờm dong kờl bơto pơlam broă lơh sa suơn sre dà lơgar pơgồp bal mờ Sờh Broă lơh sa suơn sre mờ Tiah ơm kis càr Lâm Đồng bơyai lơh mho ngai 01 nhai 10.

VOV.K’Ho - Tơnơ̆ uă nam geh bơcri priă, sơngka sền gàr, uă suơn sầu riêng tàm sàh Chư Prông, càr Gia Lai gam ơm tềng đap jơnau pơhìn tơnhàu ờ geh. Git nđờ rbô tờm chi dồ ròt gơ jrùh nha, gơ lik dà bơsơt, ro ntê hơ̆ sồng chơt. Pal kơlôi rơcang là bơta do gơlik geh tàm uă tiah tàm tŭ tơngai mìu jŏ jòng, tàm hơ̆ geh ală bă sầu riêng gam rơcang pik tơnhàu.

VOV.K'Ho- Anih duh broă làng bol càr Dăk Lăk pa ai ngui broă rơndăp lơh sền gròi kloh niam phan sa gơwèt mờ phan geh lơh bơh broă tam phan tăc tus drà kă bro Mpồl tam klăc câu Âu (EU) nam 2026, mờ jơnau kờñ sền gròi bơta di gơlan gơtìp tơn bơh tiah tam.

VOV.K'Ho- Tam gơl nhơm trồ tiah gam gơ tơlik jơnau sồr cau lơh broă sa săc rwah phan ròng, chi tam gơdờp rlau mờ bơta geh is, mơkung jòi tai bơta kwơ bơh phan bơna lơh gơlik. Tàm tiah bơnơm càr Khánh Hoà, broă lơh tơrlòng lài ròng bre deh kòn gơ jăt bal mờ lòt nhơl ƀòn brê bơnơm gam geh lam lơh jăt gùng dà do. Ờ mìng lơh gơlik geh priă lơh geh bơh ròng siam, làng bol gam kơlôi tus lơh gơgơs tiah tam phan, ù tiah lòt sền gŏ mờ ală phan bơna gơ jăt bal mờ ù tiah ƀòn lơgar, niam chài ƀòn lơgar dê.

VOV.K’Ho- Tàm sơnah ƀòn Pleiku, càr Gia Lai, Anih tờm dong kờl bơto pơlam broă lơh sa suơn sre Dà lơgar bơyai lơh pơrjum bơyai bè bơt bơtàu mờ gàr niam màh sồ tiah tam, màh sồ anih dăp ơn klơm phan. Tơnơ̆ 2 nhai lơh jat Jơnau lơh nền tàm pơrjum sồ 36 bơh Chính phủ dê, gùt lơgar neh pà pa 787 màh sồ tiah tam, ală sră pơ àr mờ tơngai pà màh sồ tiah tam mờ anih dăp ơn klơm phan geh lơh ƀuơn mờ di pal.

VOV.K'Ho- Sầu riêng là dùl tàm ală chi tam cèng wơl bơta kwơ lơh sa uă tàm ală càr tiah Tây Nguyên. Mơya nàng tơngguh uă bơta kwơ phan lơh geh bơh sươn sre mờ rề ơnàng drà tăc blơi, ngan là drà tăc mờ lơgar ndai, jơnau sồr bè jòi gĭt anih tờm lơh gơlik ngai sơlơ geh gơ tơlik kràñ ngan. Tàm hơ̆, màh sồ tiah tam là dùl tàm ală bơta kwơ màng nàng gĭt nền loh tiah lơh gơlik, ală broă pơlam tam mờ anih tờm lơh gơlik phan bơna dê.

VOV.K'Ho- Anih tờm Dong kờl bơto pơlam broă lơh sa suơn sre dà lơgar bal mờ ală mpồl lơh broă geh gơ rềng pa bơyai lơh tơlik mat broă lơh tơrlòng lài tàm jàu măi mok sơngka sền gàr kơnhăp kơ̆. Tàm tiah lơh tơrlòng lài nàng lơh gơlik phan pa bơh Anih kơlôi sơnơng jak chài măi mok Broă lơh sa suơn sre brê bơnơm Tây Nguyên dê, git nđờ rhiang nă cau lơh broă sa, kwang bàng dong kờl bơto pơlam broă lơh sa suơn sre mờ cau geh jơnau git wă jrô gah broă lơh sa suơn sre neh geh tŭ lòt sền broă lơh tơrlòng lài sơngka sền gàr sầu riêng mờ kơphe ngui jak chài măi mok, gơ dờp mờ tam gơl nhơm trồ tiah mờ jơnau sồr ngai sơlơ uă drà kă bro tac phan hờ lơgar ndai dê:

VOV.K’Ho - Ồng Lương Nguyễn Minh Triết, Bí thư Tỉnh ủy, Cau lam bồ Mpồl cau ala mat Quốc hội càr Dăk Lăk bal mờ Mpồl lơh broă càr dê neh lòt sền mùl màl tiah kờp dŭ rề ơnàng tiah ƀồm dà gơ wèt Rơndap broă lơh bơtơt rbòng dà tơnau dơng dà Ia Mơr, tàm ù tiah sàh nhàr lơgar Ia Rvê dê.

VOV.K'Ho - Dăk Lăk gam lơh mhar broă kờp sền wơl, lơh sồ mờ lơh loh làng ală jơnau yal màh sồ tiah tam, anih dăp ơn klơm sầu riêng. Broă cih yal wil tơl jơnau yal bơh tiah lơh sa tus anih dăp ơn klơm geh kơ̆p gơn dong ƀòn lơgar ătbồ kràñ rlau bơta niam, jòi gĭt anih tờm lơh mờ lơh geh ală jơnau sồr ngai sơlơ uă bơh drà tăc mờ lơgar ndai dê.

VOV.K’Ho- Ală nam do, bơh priă bơcri 3 broă lơh jơnau kờñ Dà lơgar dê, càr Quảng Ngãi neh tơrgùm bơcri priă bơtàu tơnguh phan bơna bơt bơtàu, dong kờl lơh sa mờ lơh geh broă lơh dong kờl làng bol jơi bơtiàn dồ êt nă cau mờ tiah kơh bơnơm brồ guh lik klàs rơƀah kơnhăp kơ̆.