VOV.K'Ho- Dơ̆ mìu dà tih dà lìu lồi sơnam 2025 neh lơh gơbàn aniai hoàc hươr kơn jơ̆ ngan phan bơna bơ̆t bơtàu bơtơ̆t tơnau dơng dà mờ anih lơh kòi sơntìl bơh cau lơh broă sa ală ƀòn lơgar tiah đah măt tơngai Lik càr Dăk Lăk dê, lơh kàl Mrềt Prăng nam 2025 – 2026 lơyài mờr dùl nhai pơndrờm mờ tơngai kàl lơh sa. Bulah bè hơ̆, kơnờm bơta mŭt lơh bal di tŭ bơh gơnoar ătbồ dê bal mờ bơta dong kờl bơh ală mpồl lơh sa kă bro dê, tus tŭ do ƀlàng sre neh duh hồl nggồr chờ wơl, cau lơh broă sa brơn brài sih tam gar sơntìl, kơ̆p gơn kàl lơh sa bồ nam geh cồng nha uă.

VOV.K’Ho- Mho òr (03/02), Anih duh broă Làng bol càr Lâm Đồng bơyai lơh pơrjum jàu Jơnau lơh nền tam gơl Jơnau lơh nền bơcri priă lơh Rơndap broă lơh rề ơnàng, tơnguh bơta pràn lơh gơlik phan Hìu măi Alumin Nhân Cơ mờ Rơndap broă lơh bơrlŭ bal Bauxite – trà Lâm Đồng ai Tập đoàn lơh mờ măi mok chah – phan kuơ tàm ù Việt Nam (TKV) in.

VOV.K'Ho- Mŭt tus nam 2026, pang rùp kơphê bơkah Việt Nam gam pờ gơlik uă rùp să niam sơrdah tŭ dồ ròt mpồl lơh sa kă bro, anih lơh sa sươn dờng mờ mpồl gah phan pà gŏ bơta pin dờn loh ngan tàm broă rơndăp lơh rề ơnàng drà ală lơgar tàm bơnah phan niam ngan. Ală tềl sơñio niam ngan bơh ală drà kal ke bè Ñờk, Hàn Quốc, Mỹ ờ mìng đơs nền bơta niam kơphê bơkah Việt Nam dê lơm mờ gam yal wơl bơta tam gơl pràn kơldang bơh bồ tơngoh tăc mờ lơgar ndai uă phan tus tăc mờ lơgar ndai geh uă priă jền.

VOV.K'Ho- Wèt tus Pơrjum dờng cau ala măt gùt lơgar dơ̆ XIV Đảng dê, nùs nhơm pơrlòng lơh broă, lơh sa gam geh pràn kơl dang tàm gùt càr Dăk Lăk, bơh tàm tiah ƀòn lơgar tus mpồl bơtiàn mpồl lơh sa kă bro. Tàm nùs nhơm pin dờn mờ kơ̆p gơn tàm ală gùng dà kơrnoăt pa geh ai bè lơh sa suơn sre, làng bol lơh broă sa, ƀòn lơgar, kwang bàng bal mờ làng bol ală jơi bơtiàn tàm càr gam lơh ngan tam gơl nùs nhơm pơrlòng gơs cồng nha mùl màl, pơgồp bal tàm broă bơtàu tơnguh lơh sa mpồl bơtiàn mờ bơ̆t bơtàu gah lơh sa suơn sre kơl jăp.

VOV.K'Ho- Tơnơ̆ tơmŭt bal 3 càr: Lâm Đồng, Dăk Nông mờ Bình Thuận, càr Lâm Đồng pa geh rlau 1 tơlak lồ ù lơh broă sa sươn sre bal mờ uă bơta chi tam cèng wơl cồng nha lơh sa uă. Tơnơ̆ Pơrjum dờng Đảng ƀộ càr Lâm Đồng dơ̆ sơnrờp, tơngai lơh broă bơh nam 2025- 2030, càr Lâm Đồng gam cih tai jơnau pa ai phan lơh geh bơh sươn sre ƀòn lơgar in, rơhời đơs nền kơ̆ kơl jăp bơta kwơ, wèt tus anih ơm pa tàm sră wăc sềr rùp broă lơh sa sươn sre ală lơgar.

VOV.K'Ho- Mờ bồ tơngoh kơlôi sơnơng “lơh kờñ geh” tus mờ “lơh phan drà kă bro kờñ” uă đoàn viên ơruh pơnu tàm sàh Sông Luỹ, càr Lâm Đồng neh khin tàm broă tam gơl phan tam, phan ròng, lơh geh bơta pràn bơtàu tơnguh lơh sa tàm bă ù tiah ƀòn lơgar, pơgồp bal tàm broă tus bal bơ̆t bơtàu ƀòn lơgar pa tàm ƀòn. Geh pơnrơ ngan bè broă ròng rơgut pơgồp bal mờ ròng lềl bơh bi Nguyễn Thanh Đức dê gam lơh geh cồng nha loh làng ngan.

VOV.K'Ho- Ală nam pa do, jak chài măi mok bơtàu tơnguh pràn kơl dang lơh rài kis tam gơl pah ngai tàm tơl ală bơta. Tàm broă lơh sa suơn sre, uă làng bol neh khin cha tàm broă ai drone (phan par pờ bơh ngài) tàm broă sơnka sền gàr phan tam mờ pà gŏ geh cồng nha loh làng. Gah lơh broă geh gơnoar kung gam lòt bal, ai tơl bơta niam bè sră nggal mờ lơh geh gùng dà dong kờl broă lơh sa, ngui uă phan par pa ngan do.

VOV.K'Ho- Tàm bă ù lŭ rơđeh bơrlŭ bal mờ bràs ro kơnrañ ngan tàm sàh ia Hrú, càr Gia Lai dê, rlau 1 rbô hìu làng bol, mìng là làng bol Jrai lơm, neh khin cha tam gơl bơh tơngời, bùm blàng, khuah rbài tus tam tàu. Cồng nha lơh geh mờ giă tàu gơ ơm sùm dong rài kis làng bol tơl ngui tơl sa rlau, uă hìu bơnhă klàs rƀah, lơh geh hìu, blơi geh rơndeh. Gơnoar ătbồ mờ mpồl lơh sa kă bro gam pơn jăt tai lòt bal nàng tờm tàu gơgơs broă lơh broă sa kơnhăp jŏ rlau ai bă ù ro kơnrañ do in.

VOV.K’Ho- Tàm tơngai tam gơl broă lơh gơguh lơh sa mờ mut gơ rờm bal dà lơgar bè tam gơl pa bơceh lơh, tơngai lơh broă bơh nam 2021-2025, càr Lâm Đồng neh rcang lài lam lơh ring bal uă broă lơh, broă rơndăp lơh, Jơnau lơh nền tàm pơrjum mờ Ală jơnau neh lơh nền nàng kờñ lơh gơrề uă pràn kơl dang nùs nhơm sơnđờm mut lơh broă tam gơl pa bơceh lơh tàm jơh gùt mpồl bơtiàn.

VOV.K'Ho- “Kơlôi sơnơng, ngui măi mok kwơ màng tàm bơtàu tơnguh tuh dà gơguh jăk, tềm pềr dà ai phan tam ù gờl in”, là tơngu me Anih cri bơyai lơh sa suơn sre ngăc ngar, rơcang sơndră mờ tam gơl nhơm trồ tiah mờ gàr tơl dà tiah Đah Jum tàm gùl lơgar mờ Tây Nguyên bơyai lơh ngai òr (29/12) tàm càr Dăk Lăk.