VOV4.K’Ho- Mờ bơta nhơm trồ tiah, ù tiah gơdờp, tus tŭ do tàm 03 kơnhoàl tiah kơh bơnơm càr Kon Tum dê, geh: Kon Plông, Tu Mơ Rông mờ Đăk Glei neh rề ơnàng geh rlau 4 rbô 100 lồ tờm kơphê tiah mrềt. Bơh cồng nha ngan ngồn bơh tờm chi tam do dê cèng wơl ai cau lơh broă sa in, càr Kon Tum gam pơn jăt tai rề ơnàng tai bă ù, mơkung geh broă lơh tơngguh uă bơta niam bơkah mờ cồng nha lơh sa tờm kơphê tiah mrềt càr dê.

VOV4.K’Ho- Anih tờm Dong kờl bơto pơlam broă lơh sa sươn sre mờ Sơntìl chi tam phan ròng mờ Phan tàm dà càr Dăk Lăk bơyai lơh Pơrjum tơn jơh rơndăp broă lơh “Bơ̆t bơtàu broă lơh tơrlòng lài tam chi sa plai jăt tơl jơnau sồr VietGap dê drơng bơtàu tơngguh tiah tam phan gơ jăt bal mờ tăc bro tàm bàr pe càr tiah Tây Nguyên tơngai bơh nam 2022- 2024”.

VOV4.K'Ho- Tàm ƀòn dờng Sóc Trăng, Ƀộ Broă lơh sa sươn sre mờ Bơtàu tơnguh Ƀòn lơgar pơgồp bal mờ Ƀăo Tuổi Trẻ mờ Anih duh broă Làng bol càr Sóc Trăng neh bơyai lơh Pơrjum cri bơyai mờ tơngu me “Lơh măt kă bro dà lơgar ai phe lơgar Việt Nam in”.

VOV4.K'Ho- Ơ làng bol mờ gơ̆p bơyô! Tơngai tŭ do, cau lơh broă sa càr Dăk Lăk gam mut tàm tơngai tơnhào kơphê. Nàng gàr niam bơta niam bơkah kơphê, bơtàu tơnguh gah phan kơphê kơ̆ kơl jăp, uă cau lơh broă sa tàm càr sền gròi gàr niam khà plai dum tŭ tơnhào, dùl tàm ală bơta tờm lơh nền tơn tus bơta niam bơkah kơphê dê. Jơnau cih bơh cau lơh ƀăo dê, K’ Hạnh sền nền tơnơ̆ do, jà làng bol mờ gơ̆p bơyô iăt bal.

VOV4.K'Ho- Ngai òr (10/12), Kơphe Robusta bơkah lơgar Việt Nam neh geh jào khà jờng dờng ngan tàm dơ̆ pơrlòng “Cup Odjeta Swan 2024”.

VOV4.K’Ho- Ơ làng bol mờ gơ̆p bơyô! Bal mờ bơta ƀươn bè bơta geh is mờ ù tiah trồ tiah mùl gŏ is bơh bă ù ƀazan dê, Gia Lai gam rơhời đơs nền đơs nền bơngă là dùl tàm ală tiah tờm tam tờm chi sa plai khà dùl tàm Tây Nguyên. Tŭ do, càr Gia Lai neh bơtàu tơnguh geh pơgăp 34 rbô lồ chi sa plai mờ khà plai lơh geh uă ngan rlau 500 rbô tấn pah nam, gơ wèt mờ ală tiah mìng tam uă ală bơta chi sa plai tờm ngan bè sầu riêng, plai màk, prìt…Bơta pal đơs là tàm lơh sa, gah broă lơh sa sươn sre gam rơhời rơndăp gơs ai cau lơh broă sa mờ mpồl lơh sa kă bro in lơh broă đềt mềr nàng jăt ngui ală gơguh jak măy mŏk đềt mềr mờ tiah ơm kis, lơh geh ală bơta kwơ phan bơna kơ̆ kơl jăp tàm lơh gơlik mờ wèt tus tăc mờ lơgar ndai tus ală drà geh uă bơta pràn.

VOV4.K’Ho- Lài do, ka lăng là phan bơkah pơnrơ geh is, geh uă tàm ală dà dờng Srepok rềp nhàr bal đah 2 càr Dăk Lăk mờ Dăk Nông. Mơya uă nam do, làng bol tàm ƀòn dờng Buôn Ma Thuột, càr Dăk Lăk mờ kơnhoàl Cư Jŭt, càr Dăk Nông neh ròng gơtùi ka lăng tàm tơnau dà kơlhŭc cèng wơl cồng nha lơh sa uă.

VOV4.K’Ho- Kàl lơh kơphê 2024 - 2025, giă kơphê pơn jat tai gơguh uă, lơh tơnguh jơnau kờñ bè priă càn gơwèt mờ ală mpồl lơh sa kă bro blơi mờ tăc kơphê mờ lơgar ndai. Nàng lơh geh jơnau kờñ pa, Anih priă jền Dà lơgar càr Dăk Lăk neh sồr ală mpồl ai càn priă rcang lài priă jền nàng lơh geh jơnau kờñ tơl làm.

VOV4.K’Ho- Ơ làng bol mờ gơ̆p bơyô! Lời tĕ mờng chài ờs mờng bơh yau “Bùm ù krơi, kòi kòn ù kwèng”, tiah lơh sa ơnàng rlau 80 lồ tàm tiah rềp kềng ƀòn dờng Buôn Ma Thuột, càr Dăk Lăk bơh Kông ty Bơcri priă bal Sweet Potatoes dê là bă ù neh klàr ngan tài bơh cau tờm ù neh geh tŭ ai ală mpồl cau, cau dồ nă să is in apah tam bùm lô tàm uă nam. Kàl sơnrờp, kông ty tam jriang bùm lô tàm bă ù do, uă cau kơlôi rơcăng ngòt bùm rơ̆p dềt, uă tu kòp. Bè hơ̆ mờ Sweet Potatoes neh lơh geh cồng nha. Lài do, cau tam bùm lô tàm Tây Nguyên lơh geh cồng nha 30 tấn dồ lồ neh là dồ êt nă ngan. Bè hơ̆ mơya sươn bùm lô gam rồ bùm bơh kông ty dê lơh geh tus rlau 50 tấn dồ lồ.

VOV4.K’Ho- Nàng kờñ lơh sir kờp sền brê tàm ală càr tiah Tây Nguyên tàm nam 2025, mho ngai 28/11, Ƀộ Broă lơh sa mờ Bơtàu tơngguh Ƀòn lơgar neh bơyai lơh Pơrjum lam lơh kờp sền brê tàm ală càr tiah Tây Nguyên nàng kờñ ring bal, ală broă lơh lam lơh jăt.