VOV.K'Ho- Tàm broă bơyai Lơh chờ Sầu riêng càr Dăk Lăk nam 2026, càr Dăk Lăk neh sơn đờm lơh Tiah ràng tơlik, yal mìng gah sầu riêng bal mờ phan OCOP.

VOV.K'Ho- Pơrjum cribơyai “Tam gơl pa pa tơnggume, tơngguh uă bơta niam pơrjum cribơyai mờ lơh broă bơh Mpồl Cau lơh broă sa thôn, ƀòn dê (Mpồl thôn, ƀòn) tàm bơta pa”, bơh Mpồl Cau lơh broă sa càr Dăk Lăk bơyai lơh, gơhòi gơ jà rlau 300 nă cau ala măt tus bal, cribơyai bal ală gùng dà broă rơndăp lơh tơngguh uă bơta niam lơh broă mpồl dê tàm bơta mpồl lơh broă geh uă tam gơl tơnơ̆ rơndăp tăp sèng mpồl lơh broă sră pơ àr gơnoar ătbồ.

VOV.K’Ho- Anih duh broă Làng bol càr Gia Lai pa geh sră nggal sồr ală sờh, gah broă lơh, ƀòn lơgar bơsong, lơh glài kràñ bơta tac blơi, ai ơpah, lơh ờ ngan, blac pơrlồm sră cơng tàng lơh màh sồ tiah tam, màh sồ anih dăp ơn klơm.

VOV.K'Ho- Bơh tŭ rê bal, ùr bơklao kòn cau Cro (Châu Ro) là bi Võ Văn Đường mờ lŏ Võ Thị Nẫm tàm thôn 4, sàh Trà Tân, càr Lâm Đồng neh lơh ngan tàm broă lơh sa. Mờ broă tam gơl phan tam, phan ròng geh cồng nha den tàng ùr bơklao bi Đường mờ lŏ Nẫm ờ mìng lik klàs rơƀah mờ gam brồ guh gơs hìu nhă pas gơs.

VOV.K’Ho- Tàm 2 ngai, ngai 11 mờ ngai 12 nhai 8, Anih tờm Dong kờl bơto pơlam broă lơh sa suơn sre dà lơgar (Ƀộ Broă lơh sa suơn sre mờ Tiah ơm kis) pơgồp bal mờ Sờh Broă lơh sa suơn sre mờ Tiah ơm kis càr Dăk Lăk bơyai lơh mblàng yal jơnau, dong kờl mpồl lơh sa kă bro, mpồl lơh broă bal mờ làng bol lơh jat jơnau sồr bè màh sồ tiah tam, màh sồ anih dăp ơn klơm drơng tac phan mờ tac hờ lơgar ndai phan lơh gơs bơh suơn sre.

VOV.K’Ho- Mho òr (10/08), tàm Hìu lơh broă Chính phủ, ồng Hồ Quốc Dũng, Phó Thủ tướng lơh broă mờ ală Ƀộ, Gah broă lơh dà lơgar bè bơta lơh gơlik, tus tac, tac hờ lơgar ndai sầu riêng mờ lơh jat Jơnau lơh nền tàm pơrjum sồ 36 bè sồr lơh ƀuơn sră pơ-àr gơnoar atbồ bè màh sồ tiah tam, màh sồ anih dăp ơn klơm.

VOV.K’Ho- Gah Broă lơh sa suơn sre mờ Tiah ơm kis càr Dăk Lăk pal tam gơl pràn bơh bồ tơngoh kơlôi sơnơng “atbồ khà lơh geh” gơ gơs “atbồ priă gơguh tai”, tơrgùm tơnguh cồng nha tam, lơh gơlik mờ tac phan lơh gơs bơh suơn sre.

VOV.K'Ho- Dăk Lăk wèt tus lơh geh Khà jơnhoa ngan rlau jơh Guinness mờ mpồl rơndeh ƀán tải (hơ̆ là rơndeh pơndiang năc mờ phan) pơndiang sầu riêng jòng ngan rlau jơh dunia, lơh geh bơta kah niam mblàng yal jơnau, yal tơnggĭt uă măt kă bro sầu riêng Dăk Lăk tus drà ală lơgar.

VOV.K’Ho - Anih duh broă Làng bol càr Dăk Lăk neh bơyai lơh pơrjum ƀău Dơ̆ lơh chờ Sầu riêng nam 2026, đơs nền, dơ̆ lơh chờ ờ mìng nàng kờñ yal tơnggit phan lơh gơs mờ gam wèt tus bơt bơtàu ală gah lơh phan, rề ơnàng drà kă bro mờ lơh geh priă jền kơnhăp kơ̆ ai cau tam in.

VOV.K'Ho- Mho òr (05/08), Anih duh broă Làng bol càr Dăk Lăk pơrjum bè ờs nhai 7 nàng sền sơwì broă bơtàu tơnguh lơh sa mpồl bơtiàn mờ cri bơyai ală broă lơh jơnau kờñ gơguh lơh sa bàr sồ tàm nam 2026.