Tàm pơgap 5 nam tus, mpồl lơh sa kă bro kờp dŭ rề ơnàng ală wàng dờng ròng phan geh 2 tơlak nơm sur, pơgồp bal mờ lơh phan siam phan ròng mờ lơh poac tàm ƀòn lơgar. Tập đoàn Muyuan pà git, ală wàng ròng bơcri priă lơh tàm càr Gia Lai gơ tàm pơdar bơh lơh gơlik phan siam, ròng phan tus lơh poac, pơgồp bal mờ ală anih dong broă mờ lơh phơng sih.

Tàm hơ̆, wàng dờng ròng geh lơh tàm sàh Pờ Tó, sơn đờm lơh bơh ngai 11/10/2026, lơh ngan lơh gơs tơnơ̆ 12 nhai. Nàng ală broă lơh ndai gơ wèt rơndap broă lơh geh lam lơh di tŭ, ồng Phạm Anh Tuấn, Chủ tịch Anih duh broă Làng bol càr Gia Lai sồr ală sờh, gah broă lơh mờ sàh Pờ Tó mhar bơsong ală broă bè pờ tơlik đèng, ai pà dà, ù lơh rơndap broă mờ lơh sră ai gơnoar bơt bơtàu jat gơnăp gơnoar; pơlam sră nggal jat nùs nhơm “gùng tơlir”, di tŭ tă pơgồp jơnau đơs tă bơsong bơta gơ kòl di jơnau sồr.