VOV.K'Ho- Làng bol tàm tiah bơnơm đah măt tơngai Mŭt càr Quảng Ngãi gam ngui brê dờng nàng bơtàu tơnguh tòm chi lơh sơnơm, lơh “brê tơlir” gơs broă lơh kơl jăp. Bơh ală broă tam tòm chi tàm mƀur chi brê hòn is, làng bol kòn cau Sơdàng geh tơnguh priă geh, mờ pơgồp bal tàm broă sền gàr brê mờ prăp gàr uă bơta siñ họk, pờ geh gùng dà bơtàu tơnguh lơh sa mờ tiah kis ai tiah bơnơm in.

VOV.K’Ho - Tềng đap bơta gơlik geh kal ke bơh kòp bơtờp tàm phan ròng dê, is ồn là kòp jê ndul gơ jroh sur câu Phi mờ jơnau pơhìn mut bơtờp bơh virus sồt mbùng gơtă nđias dê, càr Dăk Lăk gam lam lơh ndrờm bal uă broă lơh nàng kờñ sền gàr mpồl phan ròng 4 jơng, gàr kơ̆ broă ròng phan mờ tơrmù ƀà hoàc huơr làng bol in.

VOV.K'Ho- Tàm càr Gia Lai, tàm bơta prang dờng bơh kàl prang dê, broă di gơlan gơtìp ồs sa brê sùm tàm khà uă ngan tŭ gùt càr tŭ do geh mờr 1 tơlăk lồ brê, ơnàng tus tàm ù tiah dờng. tềng đăp mờ bơta kal ke do, mpồl sền gàr brê mờ ală mpồl cau tờm brê gam lơh pràn gùng dà broă lơh “4 tàm tiah tơn”, geh sùm 100% khà cau lơh broă, tơnguh broă lòt sền, ngui phan sền gròi ồs sa bơh ngài, mờ lơh pràn broă mblàng yal, lam sồr làng bol cih măt hơ sền gàr brê, rơcang kơrian ồs sa brê bơh tàm ƀòn lơgar tơn.

VOV.K'Ho- Mờ gùng dà bơtàu tơnguh lơh sa tơlir mờ kơl jăp, càr Dăk Lăk gam tơrgùm lơh pràn hòi jà bơcri priă tàm gah broă lơh sa suơn sre măi mok pa, lơh sa mờ măi mok lơh gơs phan mờ năng lượng lơh geh wơl, ai geh bơta pràn nàng jơnau kờñ gơguh lơh sa bàr sồ tàm tơngai tus.

VOV.K’Ho- Tàm ală sàh rềp tiah nhàr lơgar Ea Bung, Ea Súp, Ia Lốp, tiah geh sền là “tiah tờm ờ tơl dà” bơh càr Dăk Lăk dê, broă lơh sa suơn sre gam geh bơta tam gơl loh làng ngan. Bơh ală lŏ sre rah rài, gơ wèt uă tàm phơng hoá họk, tŭ do neh geh rơndap lơh sa jat gùng dà tơrgùm bal, ngui măi mok pa, rơhời lơh jat jơnau sồr hữu kơ.

VOV.K'Ho- Tơnơ̆ dơ̆ dà tih dà cò dờng ngan bơh lài tus tŭ do tàm lồi nam 2025 lơh hoàc huơr uă ngan, làng bol lơh broă sa suơn sre sàh Hoà Thịnh mờ sơnah ƀòn Đông Hoà càr Dăk Lăk neh rơhờp brồ guh wơl lơh sa kơnờm mờ broă dong kờl di tŭ bè sơntìl, phan lơh broă bal mờ bơta chài. Lơh sa kàl prang 2025-2026, ală bă sre lơh kòi neh brồ guh wơl pràn kơl dang, cồng nha gơguh di pơgăp 20%, ờ mìng cèng geh wơl nùs nhơm chờ hờp geh tơnhào uă mờ gam ai tơngŏ bơta pràn ơ̆t ơl, pràn brồ guh kơl jăp bơh làng bol dê tơnơ̆ mờ rềs àr bơh trồ tiah.

VOV.K'Ho- Tàm bơta tam gơl nhơm trồ tiah ngai sơlơ uă tai, broă săc rwah ală bơta chi tam gơdờp niam mờ bơta geh is, mơkung cèng wơl bơta kwơ lơh sa kơ̆ kơl jăp gam gơgơs jơnau sồr jal mhar gơ kờñ ngan. Tàm càr Dăk Lăk, is ồn tàm ală tiah ro prang dờng, ù ro kơnrañ đah măt tơngai Mŭt, tiah rềp nhàr lơgar, tờm gle gam pờ gơlik gơn kơnờm bơtàu tơngguh lơh gơlik geh broă lơh broă sa ai làng bol in, mơkung pơgồp bơnah chồl pràn bơtàu tơngguh lơh sa tơlir.

VOV.K’Ho – Tŭ do, càr Gia Lai gam mut tàm tơngai prang duh dờng ngan, trồ tơngai duh jŏ jòng lơh dà tàm ală dà dờng, dà croh, tơnau dà, bơtơt dơng dà gơhòi soat mhar ngan. Bơta ờ tơl dà gam gơ gơs là bơta kơlôi rơcang sùm bơh git nđờ rhiang lồ chi tam dê, is ồn là tàm ală sàh, sơnah ƀòn đah mat tơngai mut càr Gia Lai dê.

VOV.K'Ho- Tŭ trồ tiah tàm càr Dăk Lăk tam gơl kàl prang, dơ̆ tơrdih tàm ală hìu măi tào sơdàng sơn đờm lơh. Tus nhai 4, dơ̆ tơrdih neh tơn jơh, ală tờm tào neh căt bồ măt pa tàm suơn, kơ̆p gơn geh ală dơ̆ mìu bồ kàl, nàng tờm tào hờn gơs niam mờ ai tơnhào tàm kàl pơn jăt tai in. Mơya tus tŭ do, tàm uă tiah tam tào tờm càr Dăk Lăk dê, tào kung gam ro tàm suơn nàng kơ̆p jơnau sồr tơnhào bơh hìu măi dê, lơh làng bol lơh broă sa gơtìp tàm bơta kal ke, lơh tào gơtìp tàm bơta ờ thàn tơnhào mờ gơtìp dơ̆ niam nàng hòn gơs niam. Tơnguh uă bơta pràn tàn pơrlòng ai gah tào sơdàng dê, dong kờl làng bol lơh broă sa gơtùi kis bơh tờm tào dùl dơ̆ tai geh ai gah lơh tào sơdàng dê.

VOV.K’Ho- Gĭt nđờ rơhiang lồ kòi kàl mrềt prang nam 2026 tàm ală sàh tiah đah mat tơngai lik càr Dăk Lăk gam kong tềng đăp bơta pơhìn gơmù cồng nha tơnhào tài bơh trồ tơngai duh jŏ jòng. Tŭ do, ală mpồl lơh broă atbồ dà broă lơh sa suơn sre bal mờ cau lơh broă sa ală tiah gơtìp ờ geh dà ro kơnrañ gam jơh nùs ƀồm dà tuh nàng dong kờl ƀlàng kòi.