Ngan ngồn, rơndăp broă lơh geh lam lơh tàm sàh Đak Đoa, càr Gia Lai, tàm bă ù ơnàng pơgăp 157 lồ, mờ tơngai lơh broă 50 nam. Jơnau kờñ bơh rơndăp broă lơh dê là kơlôi sơnơng jak chài mờ bơtàu tơnguh măi mok tàm gah broă lơh sa suơn sre, lòt sền, sền sơ wì mờ tam sơntìl phan tam, is ồn là tờm kơphê.

Rơndăp broă lơh wèt tus ngui bồ tơngoh jak kòn bơnus lơh gơlik (AI) tàm atbồ tiah tam kơphê, kờp dŭ lài mờ jat sền tu kòp lơh aniai, bơt bơtàu ală dashboard broă drơng atbồ tiah tam. Anih duh broă Làng bol càr Gia Lai sồr cau bơcri priă lơh jat tơl làm ală sră nggal bè bơcri priă lơh, ù tiah, bơt bơtàu, sền gàr tiah ơm kis, rcang lài crùh ồs sa, măi mok, tam gơl sồ mờ ală jơnau sồr adat boh lam geh gơrềng; gàr niam ai tơl priă jền, lam lơh rơndăp broă lơh di mờ rơndăp ù tiah, bơta ơnàng mờ tŭ tơngai mut lơh neh hơ.