Tơnơ̆ 6 nhai bồ nam, geh pơn jat tai gàr niam gơguh tai, pơgồp bơnah gàr tơl kòi phe, gàr tơl niam rài kis mpồl bơtiàn; kờp jơh priă lơh geh bơh broă tăc phan mờ lơgar ndai gah broă lơh sa suơn sre, phan brê, phan tàm dà lơh geh mờr 36 tơmàn dolar Mỹ.

Phó Thủ tướng đơs nền broă lơh sa suơn sre pơn jat tai là jrong đơng bơh rài lơh sa dê, mơkung sồr gah lơh sir broă lơh, rcang lài drơng mờ tam gơl drà kă bro, trồ tơngai mờ trồ tiah lơh aniai; tă bơsong kal ke ai lơh sa in, pờ ơnàng drà tăc phan mờ lơgar ndai. Bal mờ hơ̆, lơh pràn tam gơl sồ, bơtàu tơnguh broă lơh sa suơn sre tơlir, tàm pơdar, tơrmù tuh tơlik nhơm ƀơ̆ bơdìh, mờ ngui geh cồng nha ală jơnau kĭ hơ kă bro phan khat gơboh nàng lơh sir jơnau kờñ gơguh tai nam 2026.