Lơh chờ Sầu riêng càr Dăk Lăk nam 2026 mờ tơngu me “Sầu riêng càr Dăk Lăk – Tơrbŏ bal lòt ngài” geh bơyai lơh bơh ngai 15 nhai 8 tus ngai 02 nhai 9 tus do, tàm hơ̆ geh 17 broă lơh, geh bàr broă lơh yal tơngit geh lơh lài mờ lơh chờ.

Tàm dơ̆ pơrjum, ală cau ala măt geh pơgồp bal jơnau đơs nàng lơh gơs broă pơlam dong kờl, yal tơngit mờ yal jơnau nàng tơnguh uă cồng nha bơyai lơh chờ. Ồng Đào Mỹ, Phó Chủ tịch Anih duh broă Làng bol càr Dăk Lăk sồr ală mpồl lơh broă lơh jăt nền nòn rơndăp broă, sền nàng git nền nòn bơta pràn mờ gờñ lơh gơs broă rơwah ală mpồl lơh sa kă bro, mpồl lơh broă bal, gàr niam ală mpồl lơh broă geh lơh sùm, lơngăp lơngai mờ ai geh jơnau pơnrơ dờng bơh broă lơh chờ dê.