Việt Nam tŭ do geh pơgăp 1 tơlak 400 rơbô mpồl lơwe mờ 31 mpồl lơh sa kă bro tăc mờ lơgar ndai dà lơwe. Mơya, gah ròng lơwe gam kong mờ bơta lòng dờng tài bơh ròng lơwe rah rài, bơta bơkah niam ờ hềt ring bal mờ lơh bal ală anih lơh broă gam ờ hềt pràn tàm tơngai drà kă bro ală lơgar ngai sơlơ kal ke bè jòi gĭt tiah tờm lơh gơlik.

Tàm anih cribơyai, ală cau ala mat neh tơrgùm cribơyai broă lơh tơnguh uă bơta niam kòn sơntìl, ngui măi mok pa, gròi sền kòp mờ lơh pràn lơh bal mờ mpồl lơh sa kă bro. Tàm tơngai tus, ală anih dong kờl bơto pơlam broă lơh sa suơn sre rơ̆p lơh pràn lơh gơrề uă ală broă lơh ròng lơwe geh cồng nha tàm tiah brê bơnơm; lam lơh ai làng bol in tus sền, bơsram; mơkung sùm sền gĭt broă lơh măi mok mờ dong kờl cau ròng lơwe tàm tơrbŏ mờ drà kă bro, bơt bơtàu măt kă bro phan bơna OCOP kơ̆ kơnhăp.