Càr Dăk Lăk tŭ do geh uă phan geh lơh bơh broă lơh sa suơn sre tờm tus bal tàm drà tă phan mờ lơgar bơdìh, tàm hơ̆ geh kơphe, sầu riêng, tiêu là ală bơta phan geh bơta kwơ uă. Nam 2025, priă geh bơh broă tăc phan mờ lơgar bơdìh càr dê geh di pơgăp 2 tơmàn 800 tơlăk Dolar Mỹ; mìng is kơphe mờ sầu riêng pơgồp geh rơlao 1 tơmàn Dolar Mỹ.

Càr Dăk Lăk gam ai jơnau kờñ ngan sơlơ uă bè bơta niam, kloh niam phan sa, jòi geh tiah tam mờ lơh di tiah tam nàng geh sùm mờ rề ơnàng ală drà tăc phan mờ lơgar bơdìh. Càr Dăk Lăk lơh ngan geh rơlao 90% hìu lơh, lơh ing, kă bro phan geh lơh bơh tam phan ai geh sră dờp tơl ha là ală sră dờp bơh ală lơgar dê bè kloh niam phan sa; jơh ală hìu lơh dềt geh kĭ hơ bal lơh jăt jơnau geh ai. Pal kah ngan, 100% tiah tam, hìu dăp klơm drơng tàm broă tăc mờ lơgar bơdìh geh ai màh sồ, jăt tơngai jăt sền mờ 100% khà phan tăc mờ lơgar bơdìh geh jòi tiah tam jăt jơnau sồr bơh drà blơi phan dê.