Broă lơh do geh lơh tơnơ̆ tŭ Jơnau lơh nền tàm pơrjum sồ 36 Chính phủ dê geh lơh jat bơh ngai 01/8, mờ uă jơnau cih geh tam gơl jat gùng dà lơh ƀuơn sră pơ àr, tơrmù lơyah tŭ tơngai bơsong mờ tam pà kâp broă lơh màh sồ tiah tam ai Chủ tịch Anih duh broă Làng bol kâp sàh in.

Tàm broă lơh, ală cau ala mat tơrgùm pơlam mpồl lơh sa kă bro, mpồl lơh broă bal mờ cau lơh sa bè broă rơndap lơh cih mat, atbồ màh sồ tiah tam, màh sồ anih dăp ơn klơm; yal sră nggal jòi git anih lơh gơlik mờ rơndap broă lơh sa jat jơnau sồr drà tac phan hờ lơgar ndai dê. Ai tàm kâp hơ đơm, Mpồl dong kờl bơto pơlam broă lơh sa suơn sre sàh mờ Jơnum dong kờl bơto pơlam broă lơh sa suơn sre mpồl bơtiàn pơlam cih mat, gàr sùm màh sồ, pơlam làng bol bơta chài lơh tàm Anih broă drơng ala dà lơgar, lơh sir sră pơ àr jòi git anih lơh gơlik mờ ngui ală broă rơndap lơh lơh sa lơngăp lơngai.