VOV.K'Ho- Bơh rơdiô mờng kwèng tus điện thoại ngac ngar tŭ do, broă làng bol iat sền jơnau yal tơnggit neh geh uă tam gơl. Mơya bulah tàm gah pờ tơlik jơnau đơs halà tàm măi mok sồ, ală cau lơh ƀău kung gam sùm lơh ngan ai jơnau yal tơnggit ngan, geh kuơ tus mờ làng bol.

VOV.K'Ho - Pràn kơl dang să jan là bơta kwơ ngan bơh tơl nă cau, tơl hìu bơnhă dê. Mơya kòp tê jê să halà rềs àr digơlan gơlik geh khat dùl tŭ lơi. Den tàng, blơi sră kham sơm kòp ờ sa priă là broă dong làng bol in geh sền gròi pràn kơl dang să jan niam rlau tai mờ tơrmù ƀà bơta kơn jơ̆ priă tă tŭ lòt kham mờ sơm kòp.

VOV.K'Ho- Bơta bơyai lơh dơ̆ tơ̆p ƀồc kal ke, ñô sa jŏ tơngai, kă bro is gơlik geh, pờ jơnau đơs crih dờng ir tàm bàr pe ƀòn lơgar dê gam lơh roh tĕ ală bơta kwơ niam bơnĕ tàm bơhiàn ờs mờng bơh yau mờ lơh pơhì pơhà, gơrềng tus rài kis mpồl bơtiàn. Jơnau lồi poh ngai do, geh tơngume “Gàr bơta niam, sang tĕ bơta ờ niam” đơs sùm bơta kờñ pal geh bơh broă lơh jat rài kis niam jak tàm broă tơ̆p ƀồc, sền gàr bơta yŭ rơyùm, tềm pềr mờ lơh jat niam ală bơhiàn niam chài is bơh ƀòn lơgar dê.

VOV.K'Ho- Kơnòm dềt sùm kờñ geh bơta kờn gơboh, sền gròi mờ sền gàr. Mơya, tàm rài kis ngai do dê, uă mè bèp tài bơh ờ ru ngan tàm broă lơh broă sa mờ geh tŭ hŭi tĕ lời tŭ tơngai ai kơnòm dềt in. Dùl phan pà niam ngan rlau jơh lời ai ală kơnòm dềt in ờ mìng là ào mpha pa halà ƀañ kèo lơm mờ gam là bơta rềp mềr, tam pà bal mờ ală jơnau pơndờm pơnđiang jơh nùs bơh tàm hìu bơnhă mờ mpồl bơtiàn dê.

VOV.K'Ho- Tàm kàl prang ro kơnrañ uă ngan tàm tiah Tây Nguyên, trồ tơngai duh jŏ jòng lơh phan tam gơtìp ro, dà ngai sơlơ soăt, uă làng bol kung gam kơ̆p “trồ mìu” bè dùl bơta pin dờn mờng kwèng. Bal mờ hơ̆ là bơta ngui dà uă ir, chu tơndau mìr ờ gròi sền mờ bơta gơmù bă ù brê gam lơh bơta trồ prang dờng soăt dà sơlơ kơn jơ̆ ngan. Jơnau lồi poh ngai do đơs bè bơta geh ngan mờ broă lơh rcang lài gơ dờp mờ sền gàr dà, phan tam hơ̆ sồng gơtùi sơr lèt gan kàl prang, mờ broă lơh sa hơ̆ sồng geh gàr niam kơnhăp jŏ.

VOV.K'Ho- Drim gờñ ngai rơlô, neh gơs bơta mờng kwèng, bi K’ Hồng - Ƀí thư Đoàn sàh nggui tềng đăp kơlik hìu hùc dà kơphê jài, sền ƀăo điện tử zài nàng sền gĭt jơnau yal tơngĭt pah ngai. Di tŭ do, Mè K’ Bru lòt gan tềng đăp hìu:

VOV.K'Ho - Ngai do 26/04, di ngai 10/3 nam Ơseh, bal mờ jơh gùt lơgar kah tus Duh kah Bơtau Hùng, Bơtau sơnrờp dà lơgar tờm dê, nùs nhơm lơh chờ gơrề làm bă tiah Tây Nguyên mờ kềng gah dà lềng đah Jum tàm gùl lơgar bal mờ uă broă lơh niam chài – lòt nhơl niam bơnĕ is ngan. Ală broă lơh niam chài tơnggŏ bơta kwơ mò pàng, nùs nhơm tam klăc bal mờ bơta tam tìp bal bơnĕ bơnài đah “brê bơnơm dờng mờ dà lềng tơlir”.

VOV.K'Ho - Pơgap mờ do tòm 80 nam, Wa Hồ pơyua sră tus Pơrjum dờng ală jơi bơtiàn dồ êt nă cau tiah đah jum lơgar tàm Pleiku, càr Gia Lai. 80 nam neh lòt gan, mơya sră pơyua bơh Wa Hồ dê kung gam bè ờs bơta kuơ. Bơh ală jơnau nting tơngkah dềt rơhền mơya niam ngan hơ̆, làng bol ală jơi bơtiàn Tây Nguyên neh tam klac bal dùl nùs, bal mờ gơp sơrlèt gan tam lơh, sền gàr ƀòn tờm, bơt bơtàu rài kis hờm ram, gơboh gơbài; di pal ngan mờ ù tiah “brê mừh, dà lềng màh”, bềng lìu bơta niam chài mờ nùs nhơm.

VOV.K’Ho- Tàm ù tiah ring niam lơngăp lơngai, tŭ mat tơngai trồ mho pa ñơ̆p, săp ntas cing mpông tus tŭ dờng tŭ dềt, mpông ngài. Kra ƀòn mò Thoại kung gam tơryang tơryồng, rơlĕ rơlùn bơto tơl gùng cing ai ơruh pơnu in. Sền gròi tus broă lơh do, bi K’ Như- Kwang bàng niam chài sàh tus lùp còp, pơndờm pơnđiang.

VOV.K'Ho- Tàm ƀòn lơgar, ală dơ̆ chờ hờp bè sa chờ hờp kah ngai deh, sa chờ hờp mut ơm hìu pa halà chờ hờp rơndeh pa ngai sơlơ uă mờ rơhời gơ gơs bơta kơn jơ̆ ai uă hìu bơnhă in. Bơh bơta chờ hờp tam pà bal, broă lòt sa chờ hờp rơ hời gơ gơs bơta kơn jơ̆ priă jền mờ bơta rơgòt bàs sìl, lơh nùs nhơm tam klăc bal ƀòn lơgar gơtìp rơ hời ờ niam.