VOV.K'Ho- Kăc màng nhai 8 nam 1945 mờ Ngai sơntờm Dà lơgar ngai 2/9 là tŭ jiơ dờng màng tàm kah yau jơi bơtiàn Việt Nam dê. Bơh kàl hàm hơ̆, bơh bồng bi bơh Đảng Cộng sản Việt Nam, gùt jơi bơtiàn neh ntào guh, lơh gơ lừ rài atbồ bol sò tơm, bol atbồ, bơt bơtàu dà lơgar Việt Nam lơngăp lơngai is, khat gơboh is, dà lơgar làng bol dê, bơh làng bol mờ tài làng bol. 81 nam neh lòt gan, bơta chờ hờp Sa tềp Lơngăp lơngai is mờ ồs Nhai 8 kung gam hơng sùm tàm ƀòn lơgar Tây Nguyên tŭ do: tàm tơl nơm akhar bơh kơnòm dềt dê, tàm săp ntas cing kềng gah hìu rông, tàm mpàng tê lơh broă, tàm nùs nhơm tam klăc bal mờ gơ̆p bơt bơtàu rài kis hờm ram, lơngăp lơngai mờ tam gơl pa.

VOV.K'Ho- Tàm lơgar Việt Nam, pah nam geh rlau 100 rơbô nă cau chơ̆t tài ală kòp geh gơrềng tus jràu. Ờ mìng bè hơ̆ lơm, tơl gŏ jràu geh chu kung ndrờm bal mờ broă dùl bơnah priă jền bơh hìu bơnhă dê gơtìp hoàc huơr ờ geh kwơ. Chu jràu jŏ ngai digơlan gơ gơs mờng kwèng ờ gơtùi sang tĕ. Ờ dồ ết cau gĭt chu jràu là gơ aniai mơya kung gam pơn jat tai chu, geh tŭ chu jràu tàm hìu bơnhă tơn, lơh cau ơm bal, is ồn là kơnòm dềt, kung gơtìp gơrềng tài bơh ñhŭ jràu dê sơl. Sang chu jràu ờ mìng dong sền gàr pràn kơl dang să jan lơm mờ gam tềm pềr priă jền mờ bơt bơtàu tiah ơm kis niam rlau ai hìu bơnhă in.

VOV.K'Ho- Ală dơ̆ gơdùh dà mìu cèng tus bơta niam gơs ai brê bơnơm mờ sre mìr Tây Nguyên in, mơya kung là tŭ tơngai càl wàlbong, ntơr kơnàs gơlik geh mờ bơta pràn ờ gơtùi gĭt lài, pơhìn tus màng kis mờ phan bơna bơh làng bol dê. Bơta geh ngan pà gŏ, uă dơ̆ rềs àr sồt să gơlik geh mìng tài bơh bơh bơta sền ờ sơ̆p halà ờ tơl bơta chài rcang pleh lài.

VOV.K'Ho- Tềng đap nam bơsram pa, bơta chờ hờp tŭ oh kòn tus hìu bơsram sùm lòt bal mờ bơta kơlôi rcang bè priă jền blơi sră măi, sră cih, phan soh mờ ală bơnah priă bồ nam, ngan là gơwèt mờ hìu bơnhă tiah ƀòn lơgar, tiah làng bol jơi bơtiàn dồ ết nă cau. Mơya bơh bơta sền gròi bơh Dà lơgar dê tus ală broă lơh tam pà bal tàm ƀòn lơgar, uă mè bèp kơnòm bơsram neh geh tai bơta pin dờn nàng pơn jat tai dong kờl broă bơsram sră ai oh kòn he in.

VOV.K'Ho - Wèt tus tơngkah kir sơnrai 79 nam Ngai Cau ling sồt să- Cau ling chơ̆t màng (27/7/1947- 27/7/2026), rơnàng kơnòm să đơs bal mờ rơnàng kơnòm să ƀòn lơgar Tây Nguyên đơs is gam geh ală broă lơh ngan ngồn ngan nàng tàm pơr dờn sơmpòl ồs bơhiàn ờs mờng. Jơnau lồi poh poh do geh tơngume “Prăp gàr mờ tàm pơrdờn bơhiàn ờs mờng” là dơ̆ tam bơh bơr bềng ngoh rơngăc đah Kra ƀòn ồng K’ Brik mờ ùr bí thư Chi Đoàn ơruh pơnu dê bè bơhiàn “Hùc dà kah tô dà” bơh jơi bơtiàn he dê.

VOV.K'Ho- Tŭ do, Tây Nguyên gam mut tàm kàl mìu, bàr pe ƀòn ơm tàm ù tiah jat kềng dà dờng, dà croh, tiah thòng lơyah geh pơhìn gơtìp trồ tiah lơh aniai. Den tàng bè hơ̆, rcang lài mờ kàl mìu dà tih dà lìu ngan là broă nàng làng bol in gàr tĕ phan tam, gàr tĕ rài kis bơh he dê.

VOV.K'Ho - Kàl rơlô bơkang là tŭ tơngai kơnòm dềt geh ơm rlô, nhơl chờ tơnơ̆ 1 nam bơsram sră. Mơya, mìng tàm bàr pe nhai do, tàm Tây Nguyên neh gơlik geh rlau 20 dơ̆ bŭ dà, cau rềs àr uă ngan là kơnòm dềt. Tàm ală tiah ƀòn lơgar, tiah sar lơgar ngài, tŭ cau dờng ờ ru ngan mờ broă lơh tàm sre tàm mìr, ală kơnòm dềt nhơl is, den jà bal mờ gơ̆p lòt tàm dà dờng, dà croh, tơnau dà um mờ gơlik geh ală dơ̆ rềs àr jê nùs jê tồr ngan.

VOV.K'Ho- Internet gam pờ geh uă tŭ tơngai niam nàng yal tơngĭt ală bơta kwơ niam chài ờs mờng tus mờ gal ngan làng bol mpồl bơtiàn. Uă bơyô kơnòm să neh ngui internet nàng lơh gơrề uă jơnau đơs pơn đik, dà đơs mè deh mờ bơhiàn niam chài is jơi bơtiàn he dê. Tàm jơnau lồi poh tơnơ̆ do, jà làng bol mờ ală bơtô iăt jơnau yal bè broă ai jơnau pơnđick tus rềp rlau tai mờ tơl nă cau bơh tàm internet.

VOV.K'Ho- Bơta gơboh gơbài hìu bơnhă geh tŭ ờ gơ ơm tàm ală bơta dờng màng, mờ gơ ơm wơl tàm bơta gĭt wă mờ tam pà bal ală broă lơh ƀarah ƀarài pah ngai dê. Tơnơ̆ ală tŭ lòt tàm mìr bòl glar, yô mpàng tê bơklau dê geh crăp rcang tam pà bal bơta kơn jơ̆ bal mờ pơ ùr he dê sơl? Di ngai Hìu bơnhă Việt Nam 28/6, jà làng bol mờ ală bơyô iăt jơnau lồi poh “Dùl nơm hìu, 2 mpàng tê”.

VOV.K'Ho- Bơh rơdiô mờng kwèng tus điện thoại ngac ngar tŭ do, broă làng bol iat sền jơnau yal tơnggit neh geh uă tam gơl. Mơya bulah tàm gah pờ tơlik jơnau đơs halà tàm măi mok sồ, ală cau lơh ƀău kung gam sùm lơh ngan ai jơnau yal tơnggit ngan, geh kuơ tus mờ làng bol.