VOV.K'Ho - Nhai 3 cèng jat bal bơta pơn yờ să bơh rơnàng kơnòm să jơh gùt lơgar dê, wèt tus tơngkah kir sơnrai ngai tơnggơs Đoàn Ơruh pơnu Kộng sản Hồ Chí Minh (26/3)- rơndăp broă lơh bơh ală cau rơnàng kơnòm să bềng bơta jơh nùs, sùm lam lài tài mpồl bơtiàn mờ bơta bơtàu tơnguh bơh ƀòn lơgar dà lơgar dê. Tàm ală ƀòn lơgar Tây Nguyên, dà ào tơlir ơruh pơnu neh mờ gam pơgồp bơnah lơh niam gùng lòt ƀòn lơgar, sền gàr bơhiàn niam chài is, bơt bơtàu rài kis ngai sơlơ hờm ram, gơboh gơbài. Jơnau lồi poh ngai do geh tơngume “Ơruh pơnu tàm sơm bat tê bal tài mpồl bơtiàn”.

VOV.K'Ho- Tàm nùs nhơm hô hơng bơh ngai tĕ khà Cau ala mat Quôk hội khoă XVI mờ Cau ala mat Mpồl duh broă Làng bol ală kấp tơngai lơh broă bơh nam 2026-2031, bơh ƀòn lơgar tàm tiah brê bơnơm dờng ơning ơnàng Tây Nguyên tus ală ƀòn lơh ka jat kềng gah dà lềng đah Jum tàm gùl lơgar, làng bol ală jơi bơtiàn ndrờm hô hơng lơh jat gơnoar mờ kơnòl broă làng bol bơh he dê.

VOV.K'Ho- Tây Nguyên gam rcang mŭt tàm kàl prang dờng. Tềng đăp jơnau kờp dŭ lài trồ prang soăt dà di gơlan gơlik geh kal ke, broă rơcang lài sơndră trồ prang soăt dà gam geh gơnoar atbồ ală tiah mờ làng bol mhar ngan lơh. Bơh broă lơh toah wàs rơbòng dà, lòt sền tơnau dơng dà, tus hòi jà làng bol ngui broă lơh tuh dà tềm pềr mờ ngui dà di pal... Rơcang lài bơh gờñ, rơcang lài nền nòn nàng tơrmù ƀà hoàc huơr, sền gàr phan tam tàm kàl prang mờr tus in.

VOV.K'Ho- Tơnơ̆ dơ̆ sa tềp, tiah Tây Nguyên mut tàm kàl tuh dà kơphê uă ngan. Jơnau lồi poh “Stăp ntas chờ tơnơ̆ ngai Sa tềp” pơyoa jơnau yal pơn jờng làng bol lik lòt lơh broă sa bồ sơnam nàng geh kàl kơphê tơnhào uă. Tơnơ̆ ngai sa tềp, làng bol cau lơh broă sa kờñ pal lik lòt lơh broă sơng ka sền gàr suơn chi di tŭ, ờ gŏ di ơlah, bal mờ gơ̆p lơh broă sa nàng lơh geh dùl kàl tam phan pa.

VOV.K'Ho- Ală ngai do, gùt ală ƀòn lơgar Tây Nguyên hô hơng ală dơ̆ lơh chờ, rcang wă rò sơnam pa. Bơdìh mờ ală bơta chờ hờp bơtòm tơrgùm, broă gàr niam lơngăp lơngai, rơndăp tăp sèng, pleh ngài ală rềs àr mpồl bơtiàn kung là broă kwơ màng ngan.

VOV.K'Ho- Bơta chờ hờp kơphê geh kàl tơnhào, tăc geh giă cèng tus nùs nhơm hô hơng gùt ală lơgar Tây Nguyên tŭ Sa tềp tus, sơnam pa rê. Bulah bè hơ̆, chờ hờp sơnam pa ờ gŏ di là ờ kơlôi rcang lơh broă tàm mìr tai ờ. Jơnau lồi poh ngai do geh tơngume ““Tơnơ̆ kàl tơnhào- Gàr suơn tơlir wă rò nam pa tus” tơnkah làng bol pơn jat tai sơng ka sền gàr kơphê tơnơ̆ dơ̆ tơnhào, ờ gŏ di ngui sa pơhì pơhà, kờñ pal bơcri priă tam phan di mờ bơta chài, nàng kơphê in sùm là tờm chi lơh pas kơnhăp kơ̆.

VOV.K'Ho- Ală gùng dà broă lơh bơh Đảng mờ Dà lơgar dê bè broă sền gàr rài kis, tơn jơh hìu lơh ing, dong kờl lơh broă sa neh ngan ngồn gơ lòt mut tàm rài kis, cèng tus rài kis hờm ram ai ƀòn lơgar Tây Nguyên in. Jơnau lồi poh poh do tơngŏ nùs nhơm gĭt ưn ngài bơh làng bol kòn cau Tây Nguyên dê gơwèt mờ Đảng mờ Dà lơgar, tŭ rcang wă rò Sa tềp tàm muh mat pa bơh ƀòn lơgar dê, mơkung lơh gơrề uă nùs nhơm tàm pơrlòng, tam klăc bal, dòn kơ̆ tàm rài tơnơ̆ do bơtàu tơnguh kơnhăp kơ̆.

VOV.K'Ho- Jat bơhiàn neh mờng, tơnơ̆ dùl kàl tơnhào pĭc kơphê neh jơh, cau lơh broă sa Tây Nguyên sùm bơyai lơh sa chờ hờp, hòi là “Rào ƀàt (toal tang)”. Ƀàt ngui nàng pĭc kơphê, ìs kơphê geh rào goh, prap gàr nàng ngui ai kàl pĭc kơphê tơnơ̆ in tai. Jơnau lồi poh ngai do geh tơngume “Rào ƀàt”, tơngŏ bơta chờ hờp bơh hìu bơnhă bal mờ ƀòn lơgar tơnơ̆ cồng nha lơh geh bơh kàl tam phan dê, mờ gờm chờ Pơrjum dờng Đảng gùt lơgar dơ̆ 14 geh cồng nha niam bơnĕ.

VOV.K'Ho- Tàm ƀòn lơgar tŭ do cau lơi kung ngui điện thoại ngăc ngarr, internet lơm. Kơnờm bơh hơ̆, làng bol gơtùi blơi, kă bro phan lơh geh bơh broă lơh sa suơn sre, tàm yal tơngĭt mờ cau pròc mhàm bal, lùp bơsram bơta niam. Mơya kung bơh tàm internet mờ uă cau sơmờm, lơh pơrlồm cau kwèng pơyoa jơnau cih dan càn priă.

VOV.K'Ho- Ală ngai do, gùt ală ƀòn lơgar Tây Nguyên hô hơng ală dơ̆ lơh chờ, rcang wă rò sơnam pa. Bơdìh mờ bơta chờ hờp bơtòm tơrgùm, broă gàr niam lơngăp lơngai rcang gàr lài ồs sa tàm kàl prang là broă kwơ màng uă ngan. Mìng dùl ết ờ rcang ngăc lài tàm broă ngui ồs digơlan gơlik geh jơnau gơ lời wơl pơlai soh ngan.