VOV.K'Ho - Kàl rơlô bơkang là tŭ tơngai kơnòm dềt geh ơm rlô, nhơl chờ tơnơ̆ 1 nam bơsram sră. Mơya, mìng tàm bàr pe nhai do, tàm Tây Nguyên neh gơlik geh rlau 20 dơ̆ bŭ dà, cau rềs àr uă ngan là kơnòm dềt. Tàm ală tiah ƀòn lơgar, tiah sar lơgar ngài, tŭ cau dờng ờ ru ngan mờ broă lơh tàm sre tàm mìr, ală kơnòm dềt nhơl is, den jà bal mờ gơ̆p lòt tàm dà dờng, dà croh, tơnau dà um mờ gơlik geh ală dơ̆ rềs àr jê nùs jê tồr ngan.