VOV4.K'Ho- Tây Nguyên gam mut tàm kàl prang ro kơnrañ. Tơnơ̆ ală ngai ơm rlô Sa tềp bơhiàn Jơi bơtiàn dê, trồ tơngai ngai sơlơ duh, broă tuh dà, sơng ka sền gàr phan tam in kwơ màng ngan, is ồn là mờ tờm kơphê. Mơya, kung gam bơta “Sa tềp uă ir”, is ồn mờ ală cau klau hàm ñô bièr, ơlak, kung gam ờ hềt kờñ lòt tàm mìr sơl.

VOV4.K'Ho- Ngai do neh là ngai 27 nhai 12, Sa tềp bơhiàn Dà lơgar nam Ất Tỵ gam tus rềp ngan. Bal mờ tơl kơnhoàl ù tiah bơh Dà lơgar dê, tơngai pa do, ală broă lơh gàr tơl niam rài kis mpồl bơtiàn wèt rê mờ làng bol tiah sar lơgar ngài, tiah nhàr lơgar ală càr tàm tiah Tây Nguyên dê geh sền gròi uă ngan. Broă lơh lam lùp còp, pà phan sa tềp gơwèt mờ hìu bơnhă geh sră dong kờl Dà lơgar, hìu bơnhă rƀah geh rcang niam ngan, gàr niam jơh tơl nă làng bol ndrờm geh wă rò Sa tềp bơhiàn Dà lơgar tàm nùs nhơm chờ hờp, chờ hờñ, ram mhŭ nùs nhơm tàm sơnđàc bal.

VOV4.K'Ho- Rài kis lơh sa tŭ do ngai sơlơ bơtàu tơnguh, jơnau blơi rơndeh măi gơwèt mờ làng bol tàm ală ƀòn lơgar tiah sar lơgar ngài, tiah làng bol jơi bơtiàn dồ ết nă cau ờ gam là broă kal ke tai. Mơya bơta gĭt wă atbồ rơndeh măi tàm hìu bơnhă sùm là broă pal đơs ngan. Uă làng bol tŭ blơi rơndeh rê neh ờ atbồ niam lời oh kòn ờ tơl sơnam, ờ geh sră măi rơndeh... khat gơboh ai rơndeh đì tàm gùng ngòt rơngơ̆t ngan.

VOV4.K'Ho- Rài kis pa tŭ do cèng ai bol he in uă bơta ƀuơn ngan, ngan là ală drơng broă tăc bro tàm internet. Mìng geh priă jền, nggui tàm hìu he gơtùi “blơi geh jơh phan tàm dunia”. Mơya “bơta kwơ ai he in ờ bơsir geh bơta aniai mờ he pal kong”, neh geh ờ dềt nă cau gơtìp pơrlồm bơh broă tăc bro online, bol he pal rcang ngăc. Is ồn là tàm tơngai lồi nam, rềp tơngai sa tềp, ală bơta cau lơh tìs pơrlồm sùm sơmờm nàng ai geh bơta kwơ.

VOV4.K'Ho- Bơta sơmờm ir ƀièr ơlak tàm ală dơ̆ ñô sa lơh gơbàn uă bơta gơ lời wơl ờ niam. Is ồn tàm tơngai lồi nam, sùm geh ală dơ̆ ñô jun, sa chờ lồi nam yau, mut ơm hìu pa, kah ngai deh, uă cau ờ gròi sền să tờm, kung ñô bièr, ơlak lơh gơbàn ală jơnau gơ lời wơl ờ niam ngan. Ờ mìng lơh tìs lơngăp lơngai gùng lòt rê, gơtìp lơh glài lơm mờ gam lơh gơbàn rềs àr, gơrềng tus pràn kơl dang să jan. Jơnau lồi poh poh do đơs bè broă do, jà làng bol mờ gơ̆p bơyô iăt bal:

VOV4.K'Ho- Pah nam, mut tàm tơngai lồi nam, rcang wă rò sa tềp nam pa, bơta kă bro phăo kơñau mờ rềs àr tài bơh lơh is phăo gơlik geh tai. Is ồn, bơta kơnòm bơsram blơi is tàm internet phan bơrtoh nàng lơh is phăo bơrtoh neh lơh gơlik uă dơ̆ rềs àr nđàc sơngĭt ngan. Ală broă lơh do ờ mìng lơh tìs adat boh lam lơm mờ gam pơhìn tơn tus màng kis uă cau dê. Jơnau lồi poh ngai rlô do geh tơngume “Ngòt rơngơ̆t bơh phăo bơrtoh”, jà làng bol mờ gơ̆p bơyô iăt bal.

VOV4.K'Ho- Ngai do (22/12/2024), Tơnkah 80 nam Ngai Crơngơs Mpồl ling klàng làng bol Việt Nam mờ Tơnkah 35 nam Ngai chờ jơh gùt làng bol sền gàr Dà lơgar. Tàm jơh gùt lơgar geh bơyai lơh uă broă lơh kah ưn ngài dà kơl hề tă pơgồp bơh ling klàng mờ làng bol he dê, ngan là ală tă pơgồp dờng màng bơh cau ling yau Việt Nam dê tàm ală dơ̆ tam lơh, tơnklàs lơgar, bơt bơtàu mờ sền gàr Dà lơgar. Jơnau lồi poh ngai do, đơs bè tơngume do, jà làng bol mờ gơ̆p bơyô iăt bal:

VOV4.K'Ho- Tŭ do, priă tăc kơphe sùm gơguh uă rơlao mờ ală nam lài do. Bal mờ nùs nhơm chờ hờp geh tơnhào uă, tăc geh priă, cau lơh broă sa kung gam kơlôi rcang ngan, ngòt cau kơñao kơphe tŭ tơngai do cau ờ niam ờ mìng pĭc kơñao plai kơphe mờ gam koh ntê, kơl tờm kơphe tai, lơh hoàc huơr uă ngan ai cau lơh broă sa in tàm ală kàl tơnhào tus. Broă lòt sền cồng nha lơh broă bơh hìu bơnhă bal mờ mpồl bơtiàn dê tềng đăp bơta kơñao kơphe là broă kờñ pal geh ngan.

VOV4.K'Ho-

VOV4.K'Ho-