VOV.K'Ho- Kòp jê ndul gơ jroh sur câu Phi là dùl bơta kòp sơbơng roh ngan, bơtờp mhar tàm mpồl sur, ờ hềt geh sơnơm sơm kòp. Kòp do neh geh tàm uă càr, lơh hoàc huơr kơn jơ̆ kơn jŭt ai cau ròng phan in. Dilah làng bol sa poăc sur kòp, halà khat dồ sơrbì sur chơ̆t, bơta kòp rơ̆p pơn jat tai bơtờp uă, lơh pơhìn bơtờp kòp tàm uă tiah mờ bơ̆ bơl tiah ơm kis kơn jơ̆ ngan. Geh tŭ ală broă lơh bè hơ̆ digơlan gơtìp lơh glài jat adat boh lam. Den tàng, làng bol pal lơh bè lơi nàng rcang, kơryan kòp jê ndul gơ jroh sur câu Phi taih!

VOV.K'Ho- Tàm rài kis pa tŭ do, tiah ntas cing rơ hời roh lời tiah ai jơnau ntas điện thoại dê, tiah mờ ồs hơng tàm bơnhă ồs rơ hời ờ hoan pràn tai bơh bơta àng ƀong đèng ƀòn dờng den ală bơta kwơ ƀòn lơgar, ală jơnau mpoong ntas bơh brê bơnơm Tây Nguyên kung ơm tềng đăp bơta pơhìn rơ hời roh tĕ. Mơya kung gam geh ală cau kơnòm să bềng bơta kờñ gam ngềt ngơ̆t “gàr ồs”. Khi ờ mìng àñ sơ̆ lòt tàm mìr lơm, mờ gam ià măi quay nàng kŭp rùp wơl tơl nhơm tă bơh ƀòn lơgar dê. Gàr hwềng ƀòn tŭ do ờ mìng là gàr mờ jơnau yal lơm, mờ gam là gàr mờ rùp hin, mờ video, mờ ală sèng akhar kờñ gơboh tàm rùp dềt dê. Tài ƀòn lơgar digơlan ngài mờ cau tàm ƀòn dờng, mơya kơnờm internet mờ niam chài ƀòn lơgar gơtùi lòt ngài, tŭp tus gĭt nđờ tơlak plai nùs cau dê.

VOV.K'Ho- Ngai 27 nhai 07 pah nam- Ngai Cau ling sồt să, Cau ling chơ̆t màng – là dơ̆ nàng jơh gùt Đảng, jơh gùt làng bol mờ jơh gùt ling klàng he dê kah kơlôi, ưn ngài dà kơl hề dờng màng bơh ală cau ling khin cha jak chài, cau ling chơ̆t màng, cau ling kòp tê jê să, Mè Việt Nam khin cha jak chài – ală cau neh tă pơgồp jơh rài kis ai broă lơh kăc màng dờng màng bơh jơi bơtiàn dê. Nùs nhơm “Hùc dà kah tô dà” bơhiàn “Kis gĭt jơnau gĭa adat” kung sùm geh sền gàr mờ lơh gơ rề uă bơh tơl rơnàng.

VOV4.K'Ho - Digơlan đại họk là jơnau kơ̆p kờñ ngan bơh uă cau dê mơya ờ gŏ di là gùng lòt mìng dùl lơm nàng jòi broă lơh. Gơ wèt mờ ală bơyô kơnòm să tiah jơi bơtiàn dồ êt nă cau, bơsram broă lơh là tŭ niam rềp mềl ngan mờ rài kis, dong ală oh bơtàu tơngguh să tờm, pơgồp bơnah bơ̆t bơtàu ƀòn lơgar tờm.

VOV4.K'Ho- Mut tàm kàl mìu, bơsềt brê bŭt uă, tàm hơ̆ geh ờ uă bơta bơsềt krơi is, ƀuơn ngan gơbàn khih, geh tŭ gơtìp ngòt rơngơ̆t tus mờ màng kis di lah di sa. Jơnau lồi poh “Mut tam kàl mìu - Kơrhia mờ bơsềt khih” là jơnau tơnkah tus mờ làng bol: bañ pĭc, bañ sa ală bơta bơsềt krơi, bơsềt ờ gĭt đal loh làng.

VOV4.K'Ho- Tàm nùs nhơm hô hơng bơh ală ngai sơn rờp nhai 7 kah yau, ală càr pa geh crơng gơs bơh bơta tơmŭt bal đah ală càr Tây Nguyên mờ tiah jat kềng gah dà lềng tàm gùl lơgar neh ngan ngồn mut lơh broă. Jơnau lồi poh ngai do rơ̆p lam làng bol mờ ală bơyô tus mờ ƀòn B, tiah kra ƀòn K’ Briu sơn đờm ngai pa kềng gah khòc dà kơphê mờ rơziô mờng kwèng, iăt bal ală jơnau yal chờ hờp. Dơ̆ tìp mat ram mhŭ đah cau kra ƀòn mờ ùr kwang àng kơnòm să Ka Diêu kung là dơ̆ nàng kah wơl bal bơta kwơ niam chài, bơta pơn yờ să jơi bơtiàn mờ bơta kơ̆p kờñ bơtàu tơnguh tàm bơta tam klăc bal niam ngan đah brê bơnơm mờ dà lềng dờng.

VOV4.K'Ho- Tàm tiah Tây Nguyên bềng tơngai mờ càl, tiah rài kis bơh uă làng bol jơi bơtiàn dồ ết nă cau gam gơtìp uă kal ke, broă lơh “Tơn jơh hìu lơh ing, hìu ồm sèt nhăt dà mìu” gam cèng wơl ală tam gơl loh làng. Ờ mìng là ală hìu ơm pa dờng niam, kơ̆ kơnhăp lơm, mờ gam là pơrya bơh bơta dồ nùs bal đah gơnoar atbồ, mpồl ling phàu crong mờ làng bol dê. Jơnau lơh lèo “Tơn jơh hìu ồm sèt - bơt bơtàu rài tơnơ̆ do” là jơnau yal ngan ngồn mờ ngoh rơngăc đah cau ling, kwang àng sàh H’Linh mờ kra ƀòn, tơngŏ gơtha nùs nhơm niam kòn bơnus dê jrô ơnàng làm uă bơh ală hìu ơm bơta nđàc hơ̆.

VOV4.K'Ho- Kàl rlô bơkang bơh ală kơnòm bơsram tàm ală ƀòn lơgar tŭ do dê, bơdìh mờ ală dơ̆ lòt tàm sre tàm mìr, să jan bềng ƀŏ ù, um dà croh, dà tơnau gam là ală dơ̆ trồ mho nggui kềng gah bơrnơ̆ tàñ ồi kòn cau bơh mò dê, tơryăng tơryồng bơsram tơmŭt brài, tàñ gơs ală rùp bơka niam tàm ồi mbơn niam ngan halà nggui kềng gah bơnhă ồs iăt ală ồng mò yal khan tŭ trồ mang tus. Mờ kàl rơbô bơkang bè hơ̆ ngan ngồn là dùl kàl rơlô bơkang geh kwơ ngan gơwèt mờ ală kơnòm dềt tàm ală ƀòn lơgar rềp ngài dê.

VOV4.K'Ho- Tàm rài kis tàm pơn jat tơngai pa tŭ do mờ ală măi mok ngai sơlơ bơtàu tơnguh, ală cau lơh ƀăo kơnòm să, ală cau cih jơnau bơh Anih jơnau đơs Việt Nam dê kung gam tơryang tơryồng cèng jơnau đơs bơh ƀòn lơgar dê tus tàm gah pờ tơlik jơnau đơs, ờ mìng tàm Rơziô ờs mờng lơm mờ bơh tàm internet, mạng xã hội tai. Wèt tus tơngkah kir sơnrai 100 nam Ngai Sră ƀăo Kăc màng Việt Nam (21/06) Jơnau đơs ngai do geh jơnau lồi poh mờ tơngume “Jơnau đơs bơh ƀòn lơgar dê”.

VOV4.K'Ho- Tàm bồ kàl mìu, tàm tiah Tây Nguyên neh gơlik geh uă bơta trồ tiah ờ niam bè càl pồt, kơnàs còng... lơh hoàc huơr dờng bè cau mờ phan bơna. Is ồn, mìng tàm tơngai lơyah lơm, tàm tiah do neh gơlik geh uă dơ̆ kơnàs còng chơ̆t cau tàm mìr. Bơta pal kơlôi rcang ngan là tàm bàr pe tiah, làng bol kung gam sền ờ sơ̆p mờ ờ rcang sền ngăc tàm broă rcang lài pleh trồ tiah lơh aniai.