VOV.K'Ho- Ală ngai do, tiah tàm gùl lơgar gam lơh ngan sơr lèt tàm mìu càl rơbŭt dờng, uă tiah ngơr băm dà, dà kŏ dà cò, hìu đam mờ ƀlàng sre gơtìp sòr pơr dô jơh. Wèt tus tiah ring, làng bol Tây Nguyên tă pơgồp bal phe, dồ ết bùm, pơyoa nùs nhơm tam pà bal. Jà làng bol mờ ală bơyô iăt bal jơnau lồi poh ““Nùs nhơm bơh tiah bơnơm pơyoa tàm tiah ring in” – jơnau yal niam bè nùs nhơm kòn bơnus dê, bè bơta nđàc làng bol tàm tŭ tiah brê bơnơm dờng ơning ơnàng geh uă bơta tàm sơnđàc bal mờ kờñ gơboh bal. Tơnơ̆ do geh jơnau lồi poh đơs bè tơngume do.