VOV.K'Ho - Tàm ală ƀòn lơgar, uă cau kung gam mờng kơlôi: Cau klau rơcăng broă dờng- lòt mìr, lòt mbrê; ai cau ùr den ơm lềr wềl tàm bơnhă ồs, sền gàr kòn, drơng rơcăng broă hìu. Mơya ngai do, tŭ rài kis tam gơl, cau ùr kung àñ kơn jơ̆, kung lòt mìr, kung bòl glar sơl bè hơ̆ mờ rê tàm hìu kung gam kơđu tai broă pơs wàs hìu đam, sền gàr kòn, trŭ biăp piang…bơh àng drim gờñ tus jơngo mang kung gam ờ jơh broă sơl. Jơnau lơh lèu tàm jơnau lồi poh bal mờ tơngume “Bơnhă ồs tơrgùm tê bal- Hìu bơnhă gơboh gơbài” rơ̆p yal bè jơnau ùr bơklau mè K’Rông mờ bèp K’Rông dê, nàng bol he kơlôi sơnơng is bè bơta tàm wă wờng mờ tam pà bal bơta gơboh kờñ tàm hìu bơnhă.