VOV.K'Ho- Ơ làng bol mờ ală bơyô! Tơnơ̆ mìu dờng dà tih dà lìu, uă hìu bơnhă làng bol ơm tàm tiah đah Jum tàm gùl lơgar mờ Tây Nguyên gơtìp ờ diơng, rài kis kal ke uă ngan. Tàm kal ke hơ̆, nùs nhơm tam klăc bơta tàm sơm bat tê bal bơh gơnoar atbồ, mpồl ling phàu crong mờ nùs nhơm ram mhŭ sơlơ geh lơh gơ rề uă wơl. Jơnau lồi poh “Lơh wơl rơkàng hìu - gàr ram nhùs nhơm làng bol dê” , tơngŏ nùs nhơm hơ̆, dong làng bol tiah dà tih dà lìu gờñ bè ờs wơl rài kis.