VOV.K'Ho- Tàm uă ƀòn lơgar Tây Nguyên, ờ dồ ết cau kung gam sền ờ sơ̆p ală tiah tềl so, mèo kăp, mìng rào bè ờs tàm dà hòr halà bong jràu mờ ờ lòt cĭt vaccine rcang gàr lài. Bơta sền ờ sơ̆p hơ̆ gam pal tơm wơl mờ bơta chơ̆t să nđàc sơngĭt ngan. Jơnau lồi poh “Cau ngăc ngar bañ chơ̆t tài bơh so sơnrang” ngai do là jơnau tơngkah tàm tơl hìu bơnhă pal rcang ngăc, cĭt vaccine rcang gàr lài tơl làm ai phan ròng in mờ jun cau gơtìp so mèo kăp, koah lòt cĭt vaccine di tŭ nàng sền gàr is să tờm mờ kơnòm dềt in.