VOV.K'Ho- Tàm càr Dăk Lăk pa geh bơyai lơh Pơrjum tơnguh broă rơcang pleh mờ kòp Sơnrang, nàng sền wơl ală bơta gơlik geh mờ lơh pràn Broă lơh dà lơgar rơcang pleh kòp Sơnrang tơngai bơh nam 2022 tus 2030. Broă lơh do là broă dờp bal Ngai Dunia rơcang pleh mờ kòp Sơnrang nam 2026, geh Bộ Broă lơh sa suơn sre mờ Tiah ơm kis pơgồp bal mờ Anih kơlôi sơnơng lơh kloh kòp bơtờp Tây Nguyên mờ Sờh Lơh sơnơm càr Dăk Lăk bơyai lơh.

VOV.K'Ho- Jê ndul gơ jroh là kòp mờng ngan gơbàn tàm kơnòm dềt, ngan là kơnòm dềt hơđơm 5 sơnam. Do là kòp lơh gơbàn chơt să khà dùl tàm sơnam do. Virus Rota là dùl tàm ală jơnau tờm ngan lơh gơbàn kòp. Bơh nam 2024, vaccine Rota rơcang lài kơryan kòp jê ndul gơ jroh neh geh tơmut tàm Broă lơh Cit vaccine rề ơnàng, cit ờ sa priă ai kơnòm dềt tàm bàr pe càr kal ke in mờ rơp lam lơh gùt lơgar bơh nam 2026. Do là broă lơh ƀă tàm pơgồp bơnah tơrmù ƀà khà gơbàn kòp jê ndul gơ jroh, sền gàr pràn kơldang kơnòm dềt.

VOV.K'Ho- Bal mờ khà ală cau gơtìp kòp gơguh ni sơna, tàm càr Lâm Đồng bơh bồ nam tus tŭ do neh geh 2 nă cau gơtìp chơ̆t tài kòp jơng tê bơr mờ 1 nă cau gơtip chơ̆t tài kòp mprơm gơlik mhàm. Gah lơh sơnơm càr do gam tơrgùm rơcang kơrian tềng đăp mờ bơta di gơlan “Kòp pơn jăt tai gơtờp kòp”.

VOV.K'Ho- Gah lơh sơnơm càr Dăk Lăk gam lơh pràn broă lơh sồ jơh ală sră nggal. Tus tŭ do, làng bol neh sơn đờm gơtyùi dan cih măt kham, sơm kòp mờ phan điện tử; ală hìu sơnơm kung lơh jăt broă lơh sră nggal điện tử ai cau kòp in mờ tơm priă ờ ngui priă ngan. Ală bơta kwơ sồ do gam rơhời dong kờl làng bol geh tus bal mờ broă lơh drơng ala lơh sơnơm ƀuơn rơlao, mờ tơnguh uă bơta phan drơng tàm broă kham sơm kòp tàm càr do in.

VOV.K'Ho- As sồt klung là dùl tàm ală bơta kòp mờng ngan gơbàn, ngan là tàm rài kis pa tŭ do. Bơh bơta mờng gơbàn kòp do dê neh lơh uă cau sền ờ sơp, ờ sền gròi tus ală tềl tơnggŏ bơh chờm. As sồt klung ờ mìng là ală dơ̆ jê reh jê ram ờs mờng mờ digơlan gam lơh gơbàn tus ală jơnau gơ lời wơl sơbơng roh tus màng kis tai.

VOV.K’Ho- Poh lài, càr Gia Lai cih dờp 2 nă kơnòm dềt chơ̆t tài bơh kòp sơn rang, tơnguh khà cau chơ̆t tài bơh kòp do bơh bồ nam 2026 tus tŭ do gơguh 5 nă cau.

VOV.K’Ho - Tàm càr Dăk Lăk pa cih dờp cau kòp dơ̆ 2 chơt tài kòp mprơm gơlik mhàm tàm nam 2026.

VOV.K’Ho- Mho òr (08/09), tàm Hìu lơh broă Chính phủ, ồng Lê Minh Hưng, Thủ tướng Chính phủ đơng lam dơ̆ lơh broă mờ Ƀộ Lơh sơnơm mờ ală ƀộ, gah broă lơh dà lơgar geh gơ rềng bè rơndap lơh Adat tam gơl, bơtơl bàr pe bơta bơh Adat Kham kòp, sơm kòp, Adat sơnơm tơmba mờ Adat kloh niam ờdo ờdă phan sa.

VOV.K'Ho- Mpồl Lơh kơnòl broă sùm Tỉnh ủy càr Gia Lai neh ring bal broă lơh dơ̆ lĕ ală broă lơh krơi is jăt Jơnau lơh nền tàm pơrjum sồ 72 bơh Bộ Chính trị dê nàng tơnguh broă sền gàr, drơng gàr mờ tơnguh uă bơta pràn kơl dang să jan làng bol in. Tàm hơ̆ pal kah ngan là broă bơcri priă mờr 300 tơmàn đong ai broă lơh sơnơm tàm ƀòn lơgar tàm tiah nhàr lơgar, tiah gơtìp kal ke uă, broă lơh jăt broă kham bơta pràn kơl dang să jan jăt tơngai ờ sa priă ai làng bol tàm 12 sàh tiah nhàr lơgar, tiah bồt dà lềng; mờ broă pơdar bal ală ƀăk sìh lơh bơh bơh ală hìu sơnơm dờng rê tus dong kờl ală hìu sơnơm sàh in.

VOV.K’Ho- Mut tàm kàl mìu, bơta kòp mprơm gơlik mhàm Dengue tàm càr Dăk Lăk gam ngai sơlơ gơguh uă. Kờp bơh bồ nam tus tŭ do, gùt càr neh git gŏ rlau 4 rbô 200 nă cau gơbàn kòp mprơm gơlik mhàm, tàm hơ̆ geh 1 nă cau chơt. Pal sền ngac là kơnòm dềt geh khà uă ngan tàm khà ală cau gơbàn kòp pal mut tàm hìu sơnơm nàng sơm. Mùl màl ai gŏ, uă cau kòp lòt tus anih kham sơm kòp tŭ kòp neh tam gơl tus tơngai sơbơng roh tài sền ờ sơp, sơm is tàm hìu. Bơta do lơh gơguh tĕ jơnau pơhìn gơ lời wơl jơnau ờ niam kơn jơ̆ ngan, geh tŭ là pơhìn tus màng kis cau kòp dê.