VOV.K'Ho- “Dong dùl màng cau rlau mờ bơt 7 hìu kuơ̆ dờng” là bơta kơlôi sơnơng bơh ală cau tàm Mpồl mhàm ờ huan geh Rh- càr Dăk Lăk. Bè hơ̆ den tàng, pah dơ̆ geh cau hòi sơm jal mhar kờñ geh mhàm ờ huan geh, khi ờ kờp klo ngai, trồ mang, yah ngài, tus mơ tàm hìu sơnơm, cèng bal mờ bơta kơp kờñ geh kis ai ală cau ờ kwèng in. Broă lơh niam hơ̆ khi dê ờ mìng dong kis uă màng kis mờ gam lơh gơ rề nùs nhơm kờñ gơboh bal kòn bơnus, bơta kờñ gơboh mờ kơnòl mờ mpồl bơtiàn, pơgồp bơnah bơt bơtàu dùl mpồl bơtiàn lơbơn niam, tam klac bal mờ bơtàu tơnguh.

VOV.K'Ho- Mpồl Lơh kơnòl broă sùm Tỉnh ủy càr Gia Lai neh ring bal broă lơh dơ̆ lĕ ală broă lơh krơi is jăt Jơnau lơh nền tàm pơrjum sồ 72 bơh Bộ Chính trị dê nàng tơnguh broă sền gàr, drơng gàr mờ tơnguh uă bơta pràn kơl dang să jan làng bol in. Tàm hơ̆ pal kah ngan là broă bơcri priă mờr 300 tơmàn đong ai broă lơh sơnơm tàm ƀòn lơgar tàm tiah nhàr lơgar, tiah gơtìp kal ke uă, broă lơh jăt broă kham bơta pràn kơl dang să jan jăt tơngai ờ sa priă ai làng bol tàm 12 sàh tiah nhàr lơgar, tiah bồt dà lềng; mờ broă pơdar bal ală ƀăk sìh lơh bơh bơh ală hìu sơnơm dờng rê tus dong kờl ală hìu sơnơm sàh in.

VOV.K'Ho- Tềng đăp mờ bơta di gơlan khà cau gơtìp kòp mprơm gơlik mhàm gơguh uă, di gơlan gơtìp gơs kòp gơtờp dờng, gah lơh sơnơm ală càr tàm Tây Nguyên gam lơh jăt ndrờm bal ală gùng dà broă lơh nàng tơrmù khà cau gơtìp kòp pa, bơh tŭ hơ̆ kơrian kòp gơlik geh, tàm hơ̆ uă ngan tàm bơta tiah do gam mŭt tàm kàl mìu dờng.

VOV.K'Ho- Bal mờ jơnau kơlôi rơcăng bè trồ tiah lơh aniai mìu càl rbŭt dờng dà tih dà lìu, den tŭ Tây Nguyên mŭt tàm tơngai tờm kàl mìu dê kung là tŭ ală bơta kòp bơtờp sơbơng roh sơnđờm lơh bơtờp. Bơta gơlik geh pah ngai mờ bơta jal mhar bơh broă do dê gam geh tơngguh tus khà yal tơngkah lài uă ngan tŭ bơh bồ nam tus tŭ do, càr Dăk Lăk neh gĭt gŏ tus 1 rbô 518 nă cau bơtờp kòp mprơm gơlik mhàm tàm 14 tiah bơtờp kòp, gơguh tus 154% pơndrờm bal dồ tŭ mờ nam lài.

VOV.K'Ho- Lơyài git đơs mờng gơtìp tàm kơnòm dềt bơh 6 tus 3 sơnam, là bơta gam ngai sơlơ geh uă lơh ală cau mè bèp kơlôi rơcang ngan. Lơyài git đơs tàm kơnòm dềt tài geh uă bơta, di gơlan tài kòp, nùs nhơm, bal mờ tiah kis. Den tàng, cau mè bèp pal sền gròi nền nòn ală tơngai git đơs nàng gŏ gờñ mờ geh sơm di tŭ, gàr niam broă bơtàu tơnguh tơl ală bơta bơh kơnòm dềt dê.

VOV.K'Ho- Kòp mprơm gơlik mhàm hơ̆ là kòp sốt xuất huyết gam pơn jăt tai là dùl tàm ală kòp tàm bơtờp sơbơng roh ngan gam gơbàn tàm uă ƀòn lơgar tàm jơh gùt lơgar. Jăt Ƀộ Lơh sơnơm, bơh bồ nam 2026 tus tŭ do, lơgar he neh gĭt gŏ rlau 50 rbô nă cau bơtờp kòp mprơm gơlik mhàm, tàm hơ̆ geh 5 nă cau chơ̆t. Pal sền ngăc là kòp bơtờp gam geh ală gơbàn ờ ƀươn soh ngan mờ kal ke ngan yal lài rơlau pơndrờm mờ lài.

VOV.K’Ho- Kòp lơng là dùl bơta kòp bơtờp jal mhar sơbơng roh ngan tài virus lơh gơbàn, digơlan gơ lời wơl bơta lơng tus jơh rài kis, is ồn là tàm kòn se. Tàm càr Dăk Lăk, ală nam do, kơnờm lam lơh geh cồng nha Broă lơh cit vaccine rề ơnàng, kòp lơng neh geh gròi sền niam, pơgồp bơnah sền gàr pràn kơldang kơnòm dềt tàm càr. Bulah bè hơ̆, tơngai rềp ndo, vaccine OPV rơcang lài kòp lơng gam geh jơnau digơlan gơtìp lời huĭ, jơnau tờm ngan là tài bơta wă wờng ờ hềt wil tơl bơh làng bol dê.

VOV.K'Ho- Tàm gùl dà lềng dờng ơnàng, ngài mờ ù gờl git nđờ jơ̆t kơi sồ tàm ù gờl, broă kham sơm kòp tàm tiah is ồn Phú Quý sùm kong gơtìp mờ uă kal ke tài ờ tơl mìng dùl gah sơm kòp nền nòn, broă jun ntrờn cau kòp jroă gơrềng uă ngan tus trồ tiah bal mờ ơhò tàm dà lềng. Tềng đăp mờ bơta kờñ sơm mhar ngai sơlơ uă, tàm hơ̆ uă ngan là tơnơ̆ mờ ờ uă cau gơtìp kòp jroă pal pơn diang mờ rơndeh par duk tus tàm ù gờl, gah lơh sơnơm càr Lâm Đồng gam tơrgùm tơnguh uă bơta pràn sơm tơnpràn mhar, bơto cau lơh sơnơm mìng dùl gah nền nòn mờ bơcri priă blơi phan lơh sơnơm ai tiah is ồn do in.

VOV.K'Ho- Ờ niam bơh kòn se kung gam là dùl tàm ală bơta tờm lơh gơrềng tus mờ bơta pràn kơl dang să jan, bơta niam rài kis bơh git nđờ jơ̆t rơbô nă kơnòm dềt lơgar Việt Nam pah nam dê. Tàm tŭ hơ̆, uă bơta ờ niam bơh tŭ gam bun mìng gơtùi geh gŏ gờñ ha là rơcang lài geh cồng nha bơh broă lòt kham jăt tơngai mờ rơwah lài lài mờ tŭ deh. Tơnguh uă jơnau git wă cau ùr geh bun in bè bơta do gam là gùng dà broă lơh kwơ màng nàng gàr niam kơnòm dềt geh deh pràn kơl dang.

VOV.K’Ho- Ală tiah tàm tiah Tây Nguyên gam lơh pràn uă broă lơh lơh kơ̆ ală hìu sơnơm kấp hơ đơm, tơnguh uă cồng nha sền gàr pràn kơl dang să jan bơh sơn rờp ai làng bol in.