Broă dong kờl do dong cau dờng sơnam ờ hềt geh sră kham sơm kòp ờ sa priă gơmù bơta àñ ơnòng kơn jơ̆ priă tă, geh tai bơta tus bal ală drơng broă sa priă sền gàr pràn kơldăng. Cau geh dong kờl geh sơnam bơh tơl 60 tus hơđơm 75 sơnam, geh cih măt ơm kis sùm tàm càr Dăk Lăk mờ ờ hềt geh sră kham sơm kòp ờ sa priă. Khà dong kờl ndrờm mờ 100% khà tă blơi sră kham sơm kòp ờ sa priă jăt jơnau pal jăt gam geh ngui tŭ do, ndrờm mờ pơgăp 1 tơlak 366 rbô 200 đong dùl nă cau dùl nam. Priă tă lơh jăt bơh kes priă càr Dăk Lăk dê hơ ai, geh rơndăp tàm kờp dŭ lài tă pah nam. Kờp dŭ, pah nam càr Dăk Lăk lời rlau 114 tơmàn đong nàng lam lơh broă lơh dong kờl do. Is nam 2026, broă dong kờl geh lơh jăt bơh ngai 30/10.

Broă lơh dong kờl pơgồp bơnah rề ơnàng tai khà cau geh sră kham sơm kòp ờ sa priă, ngan là gơ wèt mờ mpồl cau dờng sơnam ờ hềt gơ wèt khà cau geh kes priă dà lơgar dê dong kờl. Bơh hơ̆, dong làng bol gơmù priă tă kham, sơm kòp, tơrmù jơnau pal tă tơm is halà lời tơn jŏ broă sơm kòp tài kal ke priă jền.