- Kham sơm kòp ờ sa priă là broă dong kờl sền gàr rềs àr bơh Đảng mờ Dà lơgar dê, tài bơh gơnoar kwơ bơh cau lơh broă mờ Làng bol dê, geh Dà lơgar sền gàr dong kờl, bơh anih lơh broă Sền gàr rềs àr mpồl bơtiàn dê lơh.

- Mpồl blơi is Kham sơm kòp ờ sa priă geh:

- Cau gơwèt hìu bơnhă blơi Kham sơm kòp ờ sa priă jat broă lơh hìu bơnhă;

- Cau ơm kis mờ lơh broă, cau geh ròng siam, sền gròi tàm ală mpồl, anih geh nùs nhơm niam, gah pin dờn jat Yàng;

- Cau lơh broă tàm tơngai ơm rlô ờ dờp geh priă nhai halà ơm ing sră pơrgon lơh broă;

- Cau ờ gơwèt ală cau jat mờ jơnau sồr bè hơ đang.

- Tàm hơ̆, hìu bơnhă tus bal blơi Kham sơm kòp ờ sa priă là ală cau ơm bal tàm tiah ơm kis halà dan ơm ing bal tàm bàr pe tiah ơm di mờ adat boh lam jat jơnau sồr bơh adat boh lam dê bè tiah ơm kis.

- Khà tă Kham sơm kòp ờ sa priă hìu bơnhă ai ală cau tàm hìu in bè tơnơ̆ do: Cau dơ̆ 1 tă ndrờm mờ 4,5% khà priă nhai kấp hơđơm; Cau dơ̆ 2, dơ̆ 3 tă dơ̆ dùl dơ̆ ndrờm mờ 70%, 60%, 50% khà tă bơh cau dơ̆ 1 dê; bơh cau dơ̆ 5 rlau hơđang tă ndrờm mờ 40% khà tă bơh cau dơ̆ 1 dê.

- Is ồn hìu bơnhă pa lik klàs rƀah geh dong kờl 100% khà tă Kham sơm kòp ờ sa priă, tàm hơ̆: Kes priă Dà lơgar dong kờl 70%, kes priă càr Dăk Lăk dong kờl 30%;

- Hìu bơnhă lơh broă sa suơn sre, brê bơnơm, phan tàm dà, lơh boh geh rài kis di mơ geh dong kờl 60%, tàm hơ̆: Kes priă Dà lơgar dong kờl 30%, kes priă càr Dăk Lăk dong kờl 30%.

- Cau jơi bơtiàn dồ ết nă cau gam ơm kis tàm ală sàh geh sền gĭt ờ gam gơwèt tiah geh ală bơta lơh sa- mpồl bơtiàn kal ke, kal ke uă jat jơnau sồr bơh Chính phủ dê geh dong kờl 85%; tàm hơ̆: kes priă Dà lơgar dong kờl 70%, kes priă càr Dăk Lăk dong kờl 15% (tơngai dong kờl là 36 nhai kờp bơh tŭ tơngai sàh tiah cau gam ơm kis ờ gam gơwèt tiah geh ală bơta lơh sa- mpồl bơtiàn kal ke, kal ke uă jat jơnau sồr bơh Chính phủ dê).

- Dong kờl khà tă kham sơm kòp ờ sa priă ai cau là mpồl cau tus bal sền gàr lơngăp lơngai, rơndăp tăp sèng tàm kấp hơđơm jat jơnau cih tàm anih b bơnah 2 Bơta 4 Jơnau lơh nền tàm pơrjum sồ 04/2024/NQ-HĐND ngai 20/6/2024 bơh Mpồl duh broă Làng bol càr Dăk Lăk: 60% khà tă uă ngan rlau jơh kham sơm kòp ờ sa priă bơh mpồl cau tus bal blơi kham sơm kòp ờ sa priă tàm anih  i bơnah 1 Bơta 13 Adat Kham sơm kòp ờ sa priă sồ 25/2008/QH12 (geh tam gơl, bơtơl nam 2014).

- Tus bal blơi Kham sơm kòp ờ sa priă hìu bơnhă, bơyô rơ̆p geh dờp lèng ală gơnoar kwơ bè tơnơ̆ do:

- Geh tơrmù bơh khà tă ai cau tàm hìu bơnhă tus bal blơi Kham sơm kòp ờ sa priă.

- Geh pà sră Kham sơm kòp ờ sa priă sră điện tử.

- Geh tă tơm priă kham kòp, sơm kòp tàm bơnah gơnoar kwơ mờ khà dờp lèng jơnau cih tàm sră kham sơm kòp ờ sa priă.

- Geh săc rơwah mờ tam gơl tiah dan Kham sơm kòp ờ sa priă bơh sơn rờp tàm 15 ngai sơn rờp pah qúy dê.

- Geh anih lơh broă Sền gàr rềs àr mpồl bơtiàn (Bảo hiểm xã hội), anih kham sơm kòp ờ sa priă mờ anih lơh broă geh gơrềng mblàng loh, yal jơnau tơngĭt bè broă dong kờl kham sơm kòp ờ sa priă dê.

- Geh yal yă broă lơh lơh tìs adat bè Kham sơm kòp ờ sa priă.

-Tus bal blơi Kham sơm kòp ờ sa priă hìu bơnhă nàng sền gàr pràn kơl dang să jan ai ală cau tàm hìu bơnhă dê in.

- Dilah kờñ gĭt tai jơnau yal, dan lùp tơn mờ anih lơh broă Sền gàr rềs àr mpồl bơtiàn càr Dăk Lăk halà Sền gàr rềs àr mpồl bơtiàn tàm kấp hơđơm, ală mpồl geh dờp gơnoar ai Sền gàr rềs àr mpồl bơtiàn, Kham sơm kòp ờ sa priă tàm ù tiah do dê nàng geh bơto pơlam mờ bơsong./.

-Sồ điện thọai bơto pơlam, dong kờl bơh Sền gàr rềs àr mpồl bơtiàn càr Dăk Lăk dê:  0262 222 9799.

          Sồ điện thoại bơh Sền gàr rềr àr mpồl bơtiàn càr mờ Sền gàr rềs àr mpồl bơtiàn tàm ală tiah

Sồ điện thoại bơto pơlam, dong kờl bơh Sền gàr rềs àr mpồl bơtiàn càr Dăk Lăk:

0262 2229799