Lơh jăt Jơnau lơh nền tàm pơrjum sồ 72: Rơlao 2 tơlăk 500 rơbô nă làng bol càr Dăk Lăk neh kham pràn kơl dang să jan
Thứ hai, 13:00, 19/10/2026
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV.K'Ho- Lơh jăt Jơnau lơh nền tàm Pơrjum sồ 72 bơh Bộ Chính trị dê, càr Dăk Lăk neh gờñ lơh jăt broă kham pràn kơl dang să jan, rơwah mờ sền gròi kòp ờ sa priă ai làng bol in.
Tus tŭ do, càr neh lơh broă rơndăp lơh kham pràn kơl dang să jan, rơwah mờ sền gròi ờ sa priă ai làng bol in bơh nhai 6 nam 2026. Càr ai di pơgăp 400 tơmàn đong bơh priă tơnguh tă pơn drờm mờ kờp dŭ lài mờ khà priă rơcang lài tơmŭt tàm kes priă càr nam 2025 gam tai, tam pà ai ală sàh, sơnah ƀòn in bơyai lơh, mờ khà priă tơm 350 rơbô đong tàm 1 nă 1 dơ̆ kham.
Ồng Phạm Minh Hữu, Phó Kwang lam bồ Sờh Lơh sơnơm càr Dăk Lăk pà git, tơnơ̆ mờ tŭ Jơnau lơh nền tàm Pơrjum sồ 72 geh ai ngui, lơh jăt jơnau sồr bơh Tỉnh ủy dê, Sờh Lơh sơnơm càr Dăk Lăk geh lơh broă rơndăp lơh kham pràn kơl dang să jan jăt tơngai ai làng bol in. Jăt ồng Phạm Minh Hữu đơs, kờp dŭ broă lơh do rơ̆p tơn jơh tàm nggùl nhai 12 nam do.
Viết bình luận