VOV.K'Ho- Siar rơlik phan gàr ntìng gòr ngkời ntìng bŭt là dùl tàm ală bơta kòp bè ơră, ntìng, kồ ntìng mờng gơbàn ngan rlau jơh tŭ do, mờng gơbàn tàm cau dờng mờ cau dờng sơnam. Geh uă jơnau lơh gơbàn kòp bè: Rơ ƀă ntìng tài dờng sơnam, lơh broă kơn jơ̆, lơh broă tìs să jan, sồt să, ală bơta bè broă lơh… Tàm càr Dăk Lăk, cau kòp gơtìp siar ntìng rơlik ntìng gòr ngkời tài lơh broă kơn jơ̆ gơbàn uă ngan tài bơta krơi is là tiah tam chi tam jŏ nam, làng bol sùm lơh broă kơn jơ̆ halà lơh broă tìs să jan. Kòp lơh gơ rềng uă ngan tus bơta niam rài kis, cồng nha lơh broă gơmù, dilah kơn jơ̆ den digơlan gơbàn hoañ ơră halà lơng.

VOV.K'Ho- Lơyài git đơs mờng gơtìp tàm kơnòm dềt bơh 6 tus 3 sơnam, là bơta gam ngai sơlơ geh uă lơh ală cau mè bèp kơlôi rơcang ngan. Lơyài git đơs tàm kơnòm dềt tài geh uă bơta, di gơlan tài kòp, nùs nhơm, bal mờ tiah kis. Den tàng, cau mè bèp pal sền gròi nền nòn ală tơngai git đơs nàng gŏ gờñ mờ geh sơm di tŭ, gàr niam broă bơtàu tơnguh tơl ală bơta bơh kơnòm dềt dê.

VOV.K’Ho- Ngai 21 mờ 22 nhai 5, Mpồl ling sền gàr tiah nhàr lơgar càr Gia Lai neh bơyai lơh kham kòp, pà sơnơm ờ sa priă ai làng bol 2 sàh tiah nhàr lơgar Ia Nan mờ Ia Pnôn in.

VOV.K’Ho- Tàm tŭ uă ngan ală anih kham sơm kòp geh anih lơh broă niam ờdo ờdă, den mpồl y, ƀák sìh mờ cau lơh broă tàm Hìu sơnơm sơnrang càr Dăk Lăk pal kong mờ ală jơnau pơhìn broă lơh krơi is. Cau kòp digơlan gơtìp jàñ, bơsak, ờ đal git broă lơh să tờm dê, lơh gơbàn kalke tus broă sơm kòp, geh tŭ là lơh cau lơh sơnơm. Mờ bơta jơh nùs mờ nùs nhơm “cau lơh sơnơm niam bè mè lơbơn niam”, ală y ƀák sìh tàm hìu sơnơm kung gam ngềt ngơt đềt mềr, jơh nùs sơm mờ dong cau kòp pràn wơl.

VOV.K'Ho- Nhai 5 do, trồ tiah tàm uă tiah mŭt tàm tơngai trồ prang duh jŏ, geh tiah bơta duh gơguh tus rơlao bơh 37 tus 38 độ C. Bal mờ hơ̆, bơta sùh iò uă mờ ală dơ̆ mìu sơr ni sơna gam lơh geh bơta ƀuơn nàng vi khuẩn, virus mờ ală bơta phan lơh gơtờp kòp bơtàu tơnguh. Do kung là tŭ ală kòp gơtờp kàl duh di gơlan gơguh uă, tàm hơ̆ uă ngan là kòp prơm gơlik mhàm, kòp jơng tê bơr, kòp jê ndul gơjroh.

VOV.K’Ho- Tàm nam 2026, Anih duh broă Làng bol càr Lâm Đồng rơp bơyai lơh kham pràn kơldang jat tơngai pơrgon, kham sac rơ wah ờ sa priă ai mờr 3 tơlak 900 rbô nă làng bol in mờ kờp jơh priă kờp dŭ rlau 1 rbô 330 tơmàn đong bơh kes priă dà lơgar.

VOV.K'Ho- Ung thư toh là dùl tàm ală ung thư gơbàn uă ngan rlau jơh tàm cau ùr. Bulah sơbơng roh mơya bơta chài lơh sơnơm pa neh ai gŏ là, dilah geh git gŏ gờñ mờ sơm di, sơm jơh nùs den kòp gơtùi gròi sền niam mờ uă cau neh sơm bời kòp. Sơ lơŭ wơl, dilah git gŏ jơla, broă sơm kòp gơ gơs kal ke rlau, hoàc uă priă jền, lơh gơbàn uă jơnau ờ niam sơbơng roh ngan, tơrmù lơyah tŭ tơngai kis jŏ cau kòp dê. Bè hơ̆ den tàng cau ùr, is ồn là mpồl cau geh jơnau pơhìn uă kờñ pal git kham gròi sền lài jat tơngai pơrgon kòp do.

VOV.K'Ho- Jơnau lơh nền tàm pơrjum sồ 72 Ƀộ Cíñ trị dê ngai 9/9/2025 bè “Bàr pe broă lơh bơsong tam gơl pràn, sơlơ sền gàr, drơng gàr mờ tơnguh uă pràn kơldang Làng bol in” tơlik măt hơ̆ ngan là broă lơh jŏ jòng, tơnggŏ bơta wèt sền jŏ tơngai mờ jơh nùs lơh ngan pràn kơldang Đảng dê tàm broă lơh sơnơm.

VOV.K’Ho- Drim òr (04/05), ƀák sìh Hoàng Hải Phúc, Kwang lam bồ Anih tờm gròi sền kòp tê jê să càr Dăk Lăk yal, tàm càr do pa git gŏ cau chơt dơ̆ 2 pin gơbàn kòp sơnrang bơh so, mèu bơh bồ nam tus tŭ do.

VOV.K'Ho- Kòp đồm sơdàng gam ngai sơlơ gơguh tàm mpồl bơtiàn, lơh gơtìp bal uă bơta gơtìp ngòt rơngơ̆t, tàm hơ̆ geh kòp klồng tơr-è măt tài đồm sơdàng, dùl tàm ală bơta tờm lài ngan lơh gơtìp ờ loh măt mờ jơngo măt. Bơta pal kơlôi rơcang ngan là kòp do gơtìp ngềt ngơ̆t ngan, ờ tơngŏ loh làng tàm tơngai sơnrờp, lơh uă cau ờ sền gròi, mìng gŏ tŭ măt neh ờ loh uă ngan. Jơnau tơnơ̆ do rơ̆p yal loh bơta mùl màl do.