Cau kòp là mò H.B.K, 58 sơnam ơm tàm ƀòn Ea Mắp, sàh Quảng Phú, càr Dăk Lăk. Tàm Hìu sơnơm uă gah tiah Tây Nguyên cau kòp geh kham sền, đal git gơbàn kòp mprơm gơlik mhàm Dengue ngai dơ̆ 6, geh tềl tơnggŏ tơngkah lài gơlik mhàm tàm mat, gơ hòr mhàm sề, jat sền gơlik mhàm gùng lơh lề phan sa hơđang. Cau kòp kung geh tàm să kòp gơguh huyết áp mờ kòp đồm sơdàng type 2. Lài hơ̆, dùl nă cau klau kòp dờng sơnam ơm tàm sơnah ƀòn Tân An, càr Dăk Lăk kung neh chơt tài kòp mprơm gơlik mhàm tàm Hìu sơnơm uă gah tiah Tây Nguyên tàm ngai 30/7.

Bè hơ̆, bơh bồ nam tus tŭ do, gùt càr Dăk Lăk cih dờp 6 rbô 12 nă cau gơbàn kòp mprơm gơlik mhàm tàm 252 tiah geh kòp gơ wèt 24 sàh, sơnah ƀòn tàm gùt càr, gơguh mờr 30% pơndrờm dùl tŭ bal mờ nam lài.