Gơ wèt mờ gah lơh sơnơm, Thủ tướng sồr ơn màng kis, pràn kơldang cau kòp mờ bơta kuơ làng bol dê lài ngan rlau jơh; ờ lời anih kham sơm kòp ờ tơl phan bơna, măi mok, làng bol ờ tơl sơnơm tài gơ kòl bè gùng dà, broă lơh.

Thủ tướng sồr sền wơl, tam gơl ală jơnau cih gơ rềng tus atbồ phan bơna, măi mok lơh sơnơm, sơnơm sơm kòp; koh tơrmù bơta lơh kòn gùng, tơrmù priă tă bơh chờm, giă sơnơm mờ phan bơna, măi mok lơh sơnơm, mờ kung gàr bơta niam mờ cồng nha blơi phan. Thủ tướng kung sồr bơt bơtàu gùng dà, kơrnuat boh lam ring niam, loh làng, gròi sền geh cồng nha, ờ lời kwang bàng rơngòt kơnòl, ờ khin lơh nền, mờ kung kơryan broă sơmờm gùng dà, broă lơh nàng sa kuơ. Jơnau kờñ dut ndơl là gàr làng bol in geh ngui sơnơm mờ phan bơna, măi mok lơh sơnơm niam, mờ priă tă dipal, pơgồp bơnah tơnguh bơta niam kham, sơm kòp.