Tềng đap jơnau pơhìn kòp sơnrang pơn jat tai gơbàn, Sờh Lơh sơnơm càr Lâm Đồng sồr Anih tờm gròi sền kòp tê jê să càr sơlơ tơnguh tai jat sền, rơcang lài git gŏ ală bơta nisơna gơ rềng tus kòp sơnrang, ngan là so, mèo pin gơbàn kòp; so kap uă cau; phan ròng gơtìp kòp, chơt ờ git loh jơnau bơh tài mờ cau gơtìp so, mèo kap, kuàc pơhìn gơ bơtờp kòp.

Ală anih kham sơm kòp geh sồr pơgồp bal nền nòn mờ anih lơh sơnơm phan ròng mờ gơnoar atbồ ƀòn lơgar nàng sền swì, đal git ală bơta pin gơbàn sơnrang tàm phan ròng; mờ kung lơh pràn mblàng yal tàm mpồl bơtiàn, hìu bơsram mờ ală tiah geh jơnau pơhìn uă. Sờh Lơh sơnơm càr Lâm Đồng sồr, tŭ gơtìp so, mèo kap halà kuah, làng bol kờñ pal ràu mơ tềl sồt mờ sơ ƀong mờ dà sàng goh, tơnơ̆ hơ̆ lòt tus anih kham sơm kòp nàng geh pơlam, lơh niam mờ cit vaccine kơryan kòp sơnrang di tŭ.