Anih duh broă Làng bol càr Dăk Lăk neh ai 400 tơmàn đong bơh bơnah priă tơnguh tai pơn drờm mờ khà kờp dŭ mờ bơnah priă kờp dŭ tă dơ̆ ngui gam wơl bơh kes priă càr nam 2025 dê nàng tam pà ai ală ƀòn lơgar in lam lơh kham jat tơngai pơrgon, kham sac rơ wah pràn kơldang jơh gùt làng bol nam 2026.

Bal mờ hơ̆, Anih duh broă Làng bol càr jàu Sờh Priă jền pơgồp bal mờ Sờh Lơh sơnơm càr Dăk Lăk lam lơh broă ai priă do ală sàh, sơnah ƀòn in lam lơh. Sờh Lơh sơnơm Dăk Lăk pà git, tŭ do priă jền neh rơcang geh, Sờh kung neh geh sră nggal pơlam Anih duh broă Làng bol ală sàh, sơnah ƀòn tơng gơs tơl ƀòn lơgar dùl Mpồl Sồr lơh kham pràn kơldang jơh gùt làng bol geh ala mat mpồl lơh sơnơm kâp hơ đơm, Mpồl cau dờng sơnam, Mpồl Cau kuet kơlte, bàr pe mpồl, gah broă lơh, mpồl cau tàm ƀòn lơgar.