VOV.K’Ho- Kòp lơng là dùl bơta kòp bơtờp jal mhar sơbơng roh ngan tài virus lơh gơbàn, digơlan gơ lời wơl bơta lơng tus jơh rài kis, is ồn là tàm kòn se. Tàm càr Dăk Lăk, ală nam do, kơnờm lam lơh geh cồng nha Broă lơh cit vaccine rề ơnàng, kòp lơng neh geh gròi sền niam, pơgồp bơnah sền gàr pràn kơldang kơnòm dềt tàm càr. Bulah bè hơ̆, tơngai rềp ndo, vaccine OPV rơcang lài kòp lơng gam geh jơnau digơlan gơtìp lời huĭ, jơnau tờm ngan là tài bơta wă wờng ờ hềt wil tơl bơh làng bol dê.

VOV.K'Ho- Tàm gùl dà lềng dờng ơnàng, ngài mờ ù gờl git nđờ jơ̆t kơi sồ tàm ù gờl, broă kham sơm kòp tàm tiah is ồn Phú Quý sùm kong gơtìp mờ uă kal ke tài ờ tơl mìng dùl gah sơm kòp nền nòn, broă jun ntrờn cau kòp jroă gơrềng uă ngan tus trồ tiah bal mờ ơhò tàm dà lềng. Tềng đăp mờ bơta kờñ sơm mhar ngai sơlơ uă, tàm hơ̆ uă ngan là tơnơ̆ mờ ờ uă cau gơtìp kòp jroă pal pơn diang mờ rơndeh par duk tus tàm ù gờl, gah lơh sơnơm càr Lâm Đồng gam tơrgùm tơnguh uă bơta pràn sơm tơnpràn mhar, bơto cau lơh sơnơm mìng dùl gah nền nòn mờ bơcri priă blơi phan lơh sơnơm ai tiah is ồn do in.

VOV.K'Ho- Ờ niam bơh kòn se kung gam là dùl tàm ală bơta tờm lơh gơrềng tus mờ bơta pràn kơl dang să jan, bơta niam rài kis bơh git nđờ jơ̆t rơbô nă kơnòm dềt lơgar Việt Nam pah nam dê. Tàm tŭ hơ̆, uă bơta ờ niam bơh tŭ gam bun mìng gơtùi geh gŏ gờñ ha là rơcang lài geh cồng nha bơh broă lòt kham jăt tơngai mờ rơwah lài lài mờ tŭ deh. Tơnguh uă jơnau git wă cau ùr geh bun in bè bơta do gam là gùng dà broă lơh kwơ màng nàng gàr niam kơnòm dềt geh deh pràn kơl dang.

VOV.K’Ho- Ală tiah tàm tiah Tây Nguyên gam lơh pràn uă broă lơh lơh kơ̆ ală hìu sơnơm kấp hơ đơm, tơnguh uă cồng nha sền gàr pràn kơl dang să jan bơh sơn rờp ai làng bol in.

VOV.K’Ho- Lâm Đồng hòi jà uă ngan rlau jơh bơta pràn, lam lơh ring bal ală broă lơh nàng kờñ lơh sir jơnau kờñ kham pràn kơl dang să jan ai 50% khà kờp làng bol in lài mờ ngai 30/6/2026.

VOV.K'Ho- Siar rơlik phan gàr ntìng gòr ngkời ntìng bŭt là dùl tàm ală bơta kòp bè ơră, ntìng, kồ ntìng mờng gơbàn ngan rlau jơh tŭ do, mờng gơbàn tàm cau dờng mờ cau dờng sơnam. Geh uă jơnau lơh gơbàn kòp bè: Rơ ƀă ntìng tài dờng sơnam, lơh broă kơn jơ̆, lơh broă tìs să jan, sồt să, ală bơta bè broă lơh… Tàm càr Dăk Lăk, cau kòp gơtìp siar ntìng rơlik ntìng gòr ngkời tài lơh broă kơn jơ̆ gơbàn uă ngan tài bơta krơi is là tiah tam chi tam jŏ nam, làng bol sùm lơh broă kơn jơ̆ halà lơh broă tìs să jan. Kòp lơh gơ rềng uă ngan tus bơta niam rài kis, cồng nha lơh broă gơmù, dilah kơn jơ̆ den digơlan gơbàn hoañ ơră halà lơng.

VOV.K’Ho- Ngai 21 mờ 22 nhai 5, Mpồl ling sền gàr tiah nhàr lơgar càr Gia Lai neh bơyai lơh kham kòp, pà sơnơm ờ sa priă ai làng bol 2 sàh tiah nhàr lơgar Ia Nan mờ Ia Pnôn in.

VOV.K’Ho- Tàm tŭ uă ngan ală anih kham sơm kòp geh anih lơh broă niam ờdo ờdă, den mpồl y, ƀák sìh mờ cau lơh broă tàm Hìu sơnơm sơnrang càr Dăk Lăk pal kong mờ ală jơnau pơhìn broă lơh krơi is. Cau kòp digơlan gơtìp jàñ, bơsak, ờ đal git broă lơh să tờm dê, lơh gơbàn kalke tus broă sơm kòp, geh tŭ là lơh cau lơh sơnơm. Mờ bơta jơh nùs mờ nùs nhơm “cau lơh sơnơm niam bè mè lơbơn niam”, ală y ƀák sìh tàm hìu sơnơm kung gam ngềt ngơt đềt mềr, jơh nùs sơm mờ dong cau kòp pràn wơl.

VOV.K'Ho- Nhai 5 do, trồ tiah tàm uă tiah mŭt tàm tơngai trồ prang duh jŏ, geh tiah bơta duh gơguh tus rơlao bơh 37 tus 38 độ C. Bal mờ hơ̆, bơta sùh iò uă mờ ală dơ̆ mìu sơr ni sơna gam lơh geh bơta ƀuơn nàng vi khuẩn, virus mờ ală bơta phan lơh gơtờp kòp bơtàu tơnguh. Do kung là tŭ ală kòp gơtờp kàl duh di gơlan gơguh uă, tàm hơ̆ uă ngan là kòp prơm gơlik mhàm, kòp jơng tê bơr, kòp jê ndul gơjroh.

VOV.K’Ho- Tàm nam 2026, Anih duh broă Làng bol càr Lâm Đồng rơp bơyai lơh kham pràn kơldang jat tơngai pơrgon, kham sac rơ wah ờ sa priă ai mờr 3 tơlak 900 rbô nă làng bol in mờ kờp jơh priă kờp dŭ rlau 1 rbô 330 tơmàn đong bơh kes priă dà lơgar.