VOV.K'Ho- Tơngai pa do, khà mhàm prăp nàng drơng tàm broă sơm mhar mờ sơm kòp tàm ală hìu sơnơm tàm càr Dăk Lăk neh gơmù ờ tơl uă ngan. Tềng đăp mờ bơta do, Anih duh broă Làng bol càr neh geh jơnau sồr tơnguh broă lam sồr ai mhàm dong kờl is; Hìu sơnơm uă gah Tiah Tây Nguyên kung tơlik jơnau hòi jà làng bol tus bal ai mhàm dong kờl is nàng sơm cau kòp in.

VOV.K'Ho- Lâm Đồng neh cih dờp mờr 4 rơbô nă cau bơtờp kòp rang, gơguh rlau 3 rơbô 800 nă pơndrờm dùl tŭ bal mờ nam lài.

VOV.K'Ho- Kòp as sồt klờm soh là dùl tàm ală kòp mờng gơtìp ngan mờ là bơta tờm lơh gơtìp chơ̆t lài ngan tàm ală kòp gơtờp tàm gùng tă nhơm dê, tàm hơ̆ uă ngan là kơnòm dềt hờ đơm 2 sơnam. Kòp gơtìp gùt nam mơya mờng gơguh ngan tŭ trồ tiah tam gơl ni sơna, virus, vi khuẩn lơh gơtìp kòp gơlik uă.

VOV.K'Ho- Tus tŭ do, jơh gùt càr Dăk Lăk gŏ rlau 2 rơbô 660 nă cau bơtờp kòp mprơm gơlik mhàm, kờp bal pah ngai geh bơh 30 tus 100 nă cau bơtờp kòp pa.

VOV.K'Ho- Rơlao 500 nă ùr bơklao ờ geh kòn tàm Tây Nguyên neh geh nùs nhơm gơboh gơbài tŭ chờ gờm ală kòn pràn kơl dang bơh “Broă dong kờl lơh geh kòn tàm ding (IVF)” geh lơh tàm càr Dăk Lăk. Tus tŭ do, tờm 3 nam ngai broă lơh sơn đờm, ală ùr bơklao bal mờ ală kòn geh deh tài kơnờm mờ broă lơh do, neh tìp bal tàm sơnah ƀòn Buôn Ma Thuột.

VOV.K’Ho- Ngai òr (05/08), tàm Dăk Lăk, Kes priă sền gàr dong kờl kơnòm dềt Việt Nam bơyai lơh broă lơh “Anih D3K2 ai kơnòm dềt in”.

VOV.K'Ho- Rlau dùl nhai rềp ndo, tàm càr Dăk Lăk, khà cau kòp mprơm gơlik mhàm gơguh uă ngan, uă rlau 1,8 dơ̆ pơndrờm bal dùl tŭ mờ nam lài. Is ồn bơh bồ nhai 6 tus tŭ do, uă ngan geh ngai dờp bơh 20 tus 25 nă cau kòp, pa geh dùl nă cau chơ̆t. Gah lơh sơnơm yal tơngkah lài nam do kòp geh pơhìn lơh bơtờp gơgơs kòp bơtờp uă.

VOV4.K'Ho- Tŭ do, kòp jơng tê bơr gam tơngŏ gơguh tàm ờ uă tiah tàm càr Dăk lăk. Do là kòp gơtờp mờng gơtìp tàm kơnòm dềt, bơnah uă di gơlan bơh broă sơm kòp tàm hìu mơya di lah ờ geh sền gàr di pal, di gơlan lơh gơtìp ală bơta tơngŏ ngòt rơngơ̆t bè as kơndoh tơngoh, as ơră plai nùs, as klờm soh mhar, geh tŭ gơtìp chơ̆t. Den tàng, ală cau mè bèp pal kah ală bơta tơngŏ lài nàng cèng kòn dềt mŭt piam tàm hìu sơnơm di tŭ, pleh mờ bơta ờ niam di gơlan gơtìp.

VOV4.K'Ho- Rềs àr sồt să digơlan lời wơl jơnau gơ aniai tơnơ̆ do kơn jơ̆ ngan, gơrềng tus pràn kơldang, màng kis mờ rài kis cau gơtìp rềs àr dê, geh tŭ lơh gơbàn ală hoàc hươr bè lơh sa mờ mpồl bơtiàn. Gah lơh sơnơm càr Dăk Lăk pa pờ ơdŭ pơlam tàp ai mờr 50 nă kwang bàng tơngguh uă bơta chài dong kờl dùl êt, dong kờl mhar bơh sơnrờp tàm rơcăng pleh rềs àr sồt să.

VOV4.K'Ho- Ală ngai do, tàm ală hìu sơnơm Kơnòm dềt tàm ƀòn dờng Hồ Chí Minh dờp geh uă cau gơtìp kòp mprơm gơlik mhàm jroă pơn jăt sùm. Kơnòm dềt mŭt piam kòp tàm hìu sơnơm tàm bơta jroă, ờ niam tàm bơta kơ̆t màng, gơlik mhàm tàm gùng tơrdih phan sa, bơta di gơlan gơtìp chơ̆t di lah ờ geh sơm mhar mờ di tŭ.