VOV4.K’Ho- Khà cau gơtìp kòp mprơm gơlik mhàm tàm càr Dăk Lăk gơguh mhar tàm nhai 07 mờ ală ngai bồ nhai 08, tơnguh khà cau gơtìp kòp do tus 1 rơbô 325 nă, tàm hơ̆ geh uă cau gơtìp kòp jroă. Tàm tŭ hơ̆, broă rơcang kơrian mờ kòp mprơm gơlik mhàm tàm càr Dăk Lăk gam gơtìp uă kal ke, ờ mìng tàm broă ờ tơl phan, sơnơm mờ gam ờ tơl bal broă rơcang lài bơh làng bol dê.

VOV4.K’Ho- Gah sơm kòp kơnòm dềt bơh Hìu sơnơm Dà lơgar Huế pa dờp, sơm 02 nă kơnòm dềt gơtìp kòp Whitmore. Kòp Whimore (gam sơnđan là vi khuẩn sa poăc cau) di lah ờ geh gŏ mờ sơm kòp di tŭ lơh gơtờp vi khuẩn tàm mhàm, lơh gơguh gơtờp vi khuẩn, lơh ờ pràn uă bơta tàm dơlam să… lơh broă sơm kòp sơlơ kal ke rơlao.

VOV4.K’Ho- Rang là kòp gơtờp mờng tìp tàm kơnòm dềt, ƀuơn ngan gơtờp gơs kòp dờng. Kòp gơtờp bơh gùng tă nhơm tài virus lơh gơtìp. Ală bơta tơngŏ bơh kòp rang ngòt rơngơ̆t ngan gơwèt mờ bơta pràn kơl dang să jan bal mờ màng kis kòn dềt, den tàng, cau mè bèp pal kah rơcang kơrian kòp, git gŏ gờñ ală bơta tơngŏ bơh kòp nàng sền gàr, kham mờ sơm kòp di tŭ.

VOV4.K’Ho- Kòp mprơm gơlik mhàm gam gơtờp uă tàm càr Dăk Nông mờ rơlao 100 tiah gơtìp kòp, mờr 2 rơbô nă cau gơtìp kòp mờ neh geh 01 nă cau gơtìp chơ̆t. Gơnoar atbồ, gah lơh broă geh gơnoar gùt càr gam lơh ngan kơrian kòp gơtờp.

VOV4.K’Ho- Tàm càr Dăk Lăk pa gŏ tai dùl nă kòn dềt gơtìp kòp As sồt tơngoh Nhờk Bản. Do là kòn dềt dơ̆ pe gơtìp kòp as sồt tơngoh Nhờk bản tàm càr do nam do.

VOV4.K’Ho- Tàm càr Kon Tum, kòp mprơm gơlik mhàm gam sơlơ bơtờp uă. Gah lơh sơnơm tiah do gam lơh pràn broă lơh rcang lài kơryan mờ bơta pơhìn bơtờp uă kòp.

VOV4.K’Ho- Kùh là dùl bơta kòp tềng bơdìh să gơtìp jŏ jòng, ờ gơtờp, gơrềng tus mờ bơta gơtờp bơh mè bèp bal mờ bơta pràn sơndră mờ kòp bơh să jan dê. Tŭ do kung gam ờ hềt geh sơnơm sơm bời kòp do, broă sơm lài ngan mìng kờñ tơmù as jê mờ sền gròi bơta gơguh bơh gơpồ kơrmai, kơrian mờ tơmù ờ uă ngan ală bơta gơlik geh bơh kòp do.

VOV4.K’Ho- Ală ngai do, càr Dăk Lăk sùm gŏ 4 nă kơnòm dềt bơtờp kòp sởi, tơngguh jơh khà cau kòp sởi tàm nam do tus 5 nă.

VOV4.K’Ho- Jat jơnau yal bơh Anih tờm gròi sền kòp tê jê să càr Dăk Lăk, tàm ù tiah càr pa cih dờp dùl tiah kòp sởi tàm kơnhoàl Cư Kuiñ. Tŭ do gah lơh sơnơm càr neh lơh ală broă lơh kơryan kòp, ờ lời kòp bơtờp tus tàm ù tiah.

VOV4.K’Ho- Tàm kàl duh, kòp as sồt tơngoh Nhờk Ƀản mờng gơguh pràn tàm gùt lơgar, tàm hơ̆ uă ngan là ală càr tiah đah Tô. Do là kòp gơtờp bơh phan lơh gơtờp kòp là sơmăc. Den tàng, tàm ală tŭ tàm nam geh trồ tiah ƀuơn ai sơmăc deh mờ geh uă, den hơ̆ là kàl kòp gơtờp as sồt tơngoh Nhờk Ƀản. Ală ngai pa do, Hìu sơnơm Kơnòm dềt Dà lơgar dờp uă kơnòm dềt gơtìp kòp as sồt tơngoh Nhờk Ƀản mŭt piam mờ sơm kòp. Mơya, broă git đal, gŏ kòp mờ tus hìu sơnơm jơla neh lơh kơnòm dềt gơtìp ală bơta tơngŏ kal ke kờñ pràn kơl dang wơl să jan.