VOV4.K’Ho- Càr Dăk Lăk là tiah geh khà cau gơtìp kòp sơnrang tàm so, mèo gơ-ơm tàm mpồl uă ngan gùt lơgar dê. Khà cit vaccine rơcang lài kơrian mờ kòp geh ờ uă tàm tŭ làng bol gam ờ sền gròi tàm broă rơcang lài kơrian mờ kòp den tàng bơta kòp sơnrang tàm càr do gam gơtìp kal ke ngan.

VOV4.K’Ho- Tàm ală nam pa do, broă uă ƀák sĩ dan ntrờn broă lơh, ơm rlô broă mờ ờ sac rơwah geh ƀák sĩ neh lơh gah lơh sơnơm càr Kon Tum dê gơ ơm tàm bơta ờ tơl ƀák sĩ. Bal mờ ală broă lơh tềng đăp mat, càr Kon Tum pal geh broă lơh pràn rlau tai bal mờ broă dong kờl krơi is tàm broă bơto bơtê mpồl ƀák sic drơng broă ai gah lơh sơnơm in.

VOV4.K’Ho- Bơh bồ nam 2023 tus tŭ do, 2 càr Gia Lai mờ Dăk Lăk gơ gơs tiah geh uă ngan bè kòp sơnrang bơh gùt lơgar dê tŭ sùm geh uă cau bơtờp kòp.

VOV4.K'Ho- Việt Nam gam ngai sơlơ gơguh uă khà cau gơbàn kòp jòr bơsiă gơlik mhàm, ngan là jơnau pơhìn gơbàn wơl kòp mờ cau kòp jòr bơsiă gơlik mhàm dră wơl sơnơm gơguh uă. Kòp do gơbàn wơl lơh gơlik uă jơnau ờ niam ai pràn kơldang să jan mpồl bơtiàn in.

VOV4.K’Ho- Hìu sơnơm Hùng Vương Gia Lai neh sơnđờm ai mut ngui, mut lơh broă. Do là hìu sơnơm cau dồ nă să is tàm tiah do dê.

VOV4.K’Ho- Drim ngai 22/03, Sở Y tế càr Dăk Lăk bơyai lơh Pơrjum tơrgùm să lơh jat Ngai dunia rcang sơndră kòp bơsiă gơlik mhàm.

VOV4.K’Ho- Tềng đăp mờ bơta kal ke bơh kòp sơnrang tàm tơngai do tŭ ờ hềt tơl 3 nhai bồ nam neh gŏ geh 4 nă cau gơtìp chơ̆t tài kòp sơnrang, mho òr (20/03), UɃÑZ càr Dăk Lăk bơyai lơh Pơrjum pờ tơlik tàm internet nàng sền wơl broă rơcang sơndră mờ kòp sơnrang phan ròng tàm càr dê.

VOV4.K'Ho- Ung thư toh là kòp ung thư mờng gơbàn ngan rlau jơh tàm cau ùr. Do kung là bơta sền gròi ngan bơh uă oh mi cau ùr dê, tài jat tơrgùm kờp bơh Mpồl ung thư gùt plai ù dê, nam 2018, Việt Nam geh 15 rbô nă cau gơbàn kòp ung thư toh, geh 9,2% mờ rlau 6 rbô nă cau chơt tài kòp do. Bulah gơbàn uă, mơya kòp do gơtùi sơm bời dilah geh git gŏ gờñ mờ sơm di tŭ. Den tàng, broă rơcang lài kham git gŏ gờñ ung thư toh geh kuơ dờng ngan tàm broă tơnguh bơta ƀă tàm sơm kòp kung bè rơcang sơndră kòp do.

VOV4.K’Ho- Ñhăp ñhar, jơh nùs mờ broă lơh, 20 nam do, Kử ñân Điều dưỡng Nguyễn Thị Hiền – Kwang atbồ Hìu sơnơm xã Ea Kiết, kơnhoàl Cư̆ Mgar, càr Dăk Lăk sùm ai geh nùs nhơm niam, tus bal bơsram uă nàng tơnguh uă bơta ngăc ngar lơh broă. Lŏ neh gơs cau lam lài bè dùl nă cau lơh sơnơm jơh nùs mờ cau kòp, geh cau lơh broă bal mờ làng bol tàm xã gơboh kờñ.

VOV4.K'Ho - Tơngai lài, bal mờ àu tơlir lơh broă dong kờl is, àu blu kò bơh ală ƀák sĩ kơnòm să lơh broă dong kờl is dê neh gơ gơs đềt mềr mờ ram mhŭ gơ wèt mờ làng bol, ngan là tàm ală xã tiah sar lơgar ngài, tiah kal ke bơh càr Dăk Lăk dê.