VOV4.K'Ho- Pă rềp kồ ntìng pơnô là bơta pă bơh ntìng dềt tus ntìng dờng tàm tiah sơn rờp bơh ntìng pơnô dê. Bơta do sùm gơtìp tàm cau dờng sơnam tŭ ntìng ờ pràn, mơya kung geh tàm kơnòm dềt tŭ gơtìp rềs àr gùng lòt halà gơ pừ sơl. Pă rềp kồ ntìng pơnô digơlan gơlam tus uă bơta gơ aniai ngòt rơngơ̆t, pơhìn tơn tus pràn kơl dang să jan dilah ờ geh sền gĭt mờ sơm sồt di tŭ.

K'HO.VOV.VN- Bulah neh lồi kàl mìu mơya tàm càr Dăk Lăk, kòp mprơm gơlik mhàm kung gam sùm geh gĭt gŏ sơl, tàm hơ̆ uă cau kòp mut piam tàm hìu sơnơm tàm bơta kơn jơ̆ bè kòp sơlơ jroă, gơmù tiểu kầu, gơlik huyết hương... lơh sơbơng roh ngan tus mờ màng kis.

K'HO.VOV.VN - Jăt Anih tờm Gròi sền kòp tê jê să càr Dăk Lăk (CDC- Dăk Lăk) dê yal, tàm ù tiah càr pa gŏ cau dơ̆ 3 chơ̆t tài bơh kòp mprơm gơlik mhàm.

K'HO.VOV.VN- Bàr pe nam rê wơl hờ ndo, khà cau kòp bè leh mờ pal jồr mhàm leh mờ măi tàm càr Dăk Lăk ngai sơlơ gơguh, tàm tŭ măi mok, mpồl cau drơng broă gam ờ tơl den tàng gơtìp bơta hăt hal uă ir cau. Uă cau kòp pal lòt tus hìu sơnơm làng bol lơh is halà lòt tus tàm càr ndai nàng jồr mhàm leh pah dơ̆, lơh hoàc huơr ngan bè pràn kơl dang să jan mờ roh tai priă jền uă ngan.

VOV4.K’Ho- Lam lơh Rơndăp broă lơh sồ 8 “Lơh jat ring bal ùr klau mờ bơsong ală broă jal mhar gơwèt mờ cau ùr mờ kơnòm dềt” gơwèt broă lơh jơnau kờñ Dà lơgar bơtàu tơnguh lơh sa- mpồl bơtiàn tiah làng bol jơi bơtiàn dồ ết nă cau mờ tiah kơh bơnơm, Mpồl Tam klăc cau ùr càr Quảng Ninh neh mờ gam dồ ròt bal lam lơh uă broă lơh geh ngan mờ jơnau kờñ uă ngan rlau jơh là sơlơ tơnguh tai sền gròi cau ùr mờ kơnòm dềt tiah làng bol jơi bơtiàn dồ ết nă cau.

VOV4.K’Ho- Lam lơh jăt 4 bơnah broă dong kờl cau ùr jơi bơtiàn dồ êt nă cau deh niam lơngăp lơngai mờ sền gàr pràn kơldang să jan kơnòm dềt in, ală kâp Mpồl Tam klăc cau ùr càr Gia Lai neh rơcăng lài pơgồp bal mờ hìu sơnơm kơnhoàl, kwang bàng lơh sơnơm tàm tiah he dê lam lơh uă broă lơh bơto pơlam ală tơnggume bè bơta gĭt lơh mè niam lơngăp lơngai mờ sền gàr pràn kơldang să jan cau mè, kơnòm dềt in. Kơnờm bè hơ̆, khà cau ùr deh kòn tàm hìu tàm tiah làng bol jơi bơtiàn dồ êt nă cau gơmù rơhời jăt pah nam, gơmù chơ̆t cau mè, gơmù chơ̆t kơnòm dềt mờ gơmù rơgai ờ tơl pràn.

VOV4.K’Ho- Mờ gơnoar geh jào là anih lơh broă đơng lam lơh jăt Rơndăp broă sồ 08 “Lơh jăt ring bal cau klao mờ cau ùr mờ bơsong ală bơta jal mhar gơwèt mờ cau ùr, mờ kơnòm dềt”, Mpồl Tam klăc cau ùr càr Tuyên Quang neh tơrgùm đơng lam, bơyai lơh uă broă lơh mùl màl, geh cồng nha. Kơnờm mờ hơ̆, neh pơgồp bal lơh geh ală tam gơl tờm tàm broă tơn jơh bơta kơrian, jơnau git wă ờ di pal bè cau klao mờ cau ùr, lơh geh cồng nha ring bal cau klao mờ cau ùr ai cau ùr mờ kơnòm dềt tàm tiah jơi bơtiàn ờ gal cau tàm càr do in, tàm hơ̆ uă ngan là tàm bàr kơnhoàl Hàm Yên mờ Sơn Dương.

VOV4.K’Ho- Tàm 02 nhai do, càr Dăk Lăk sùm gŏ 2 nă cau chơ̆t tài bơh kòp mprơm gơlik mhàm.

VOV4.K’Ho- Mìng tàm dồ nhai do, càr Dăk Lăk neh gŏ rlau 100 nă cau bơtờp kòp rang. Tềng đăp bơta gơbàn kal ke bơh kòp rang dê tŭ khà cau kòp sùm gơguh mhar, gah lơh sơnơm càr Dăk Lăk gam lơh pràn ală broă lơh nàng kờñ kơryan kòp lơh bơtờp uă.

VOV4.K’Ho- Tơngai do tàm càr Dăk Lăk, kòp rang gơtìp kal ke, khà cau gơtìp kòp do sùm gơguh. Mờ gùng dà broă lơh “rơcang kơrian rơlao mờ sơm kòp”, gah Lơh sơnơm càr neh rơcang lơh ală broă nàng rơcang kơrian kòp gơtờp, nàng tơmù uă ngan broă gơtờp, sền gàr bơta pràn kơl dang să jan làng bol in.