VOV4.K’Ho- Di tơnkah 69 nam Ngai cau lơh sơnơm Việt Nam, ngai òr (27/02), Sở Y tế càr Dăk Lăk bơyai lơh cri bơyai nàng sền wơl ală nam lơh broă geh cồng nha bơh gah lơh sơnơm dê tàm broă drơng gàr, sền gàr bơta pràn kơl dang să jan làng bol tàm ală nam do.

VOV4.K'Ho- Lŭ tàm leh là dùl pơnai kră, kơldang geh mòn gơs tài khoáng cất halà bơh axit gơ klac tàm dà đồm. Lŭ tàm leh tơnơ̆ tŭ gơ mòn gơs den digơlan gơ ơm mŏ tàm leh halà ntrờn tus gùng dà đồm. Kòp lŭ tàm leh dilah ờ geh git gŏ mờ sơm gờñ den rơp lơh gơbàn uă jơnau gơ lời wơl ngòt rơ ngơt.

VOV4.K’Ho- Tàm ală rài kah yau 2 dơ̆ tam lơh mờ bol sò tơm lơgar Tây mờ Mỹ, Ling klàng làng bol lơgar Lào mờ Ling klàng làng bol lơgar Việt Nam neh sùm bal mờ gơ̆p tam lơh ai geh bơta lơngăp lơngai is, khat gơboh kung bè sền gàr lơngap lơngai is, gơnoar tờm mờ bơta tơl làm kơnhoàl ù tiah bơh 2 lơgar dê.

VOV4.K'Ho - Gơguh huyết áp gam hòi là huyết áp jơnhua là dùl bơta kòp gơbàn uă ngan ờ mìng tàm cau dờng sơnam mờ tŭ do, kòp do gam gơguh uă tàm cau kơnòm să tơn. Gơguh huyết áp geh sền là kòp lơh chơt să ngềt ngơt ngan mờ geh uă jơnau pơhìn gơ lời wơl jơnau ờ niam kơn jơ̆ ngan cau kòp in, ngan là geh rlau 50% khà cau gơguh huyết áp ờ git he geh kòp. Bè hơ̆ den broă git gŏ mờ sơm gờñ là kuơmàng ngan nàng rơcang sơndră jơnau ờ niam gơ lời wơl bơh kòp do dê.

VOV4.K’Ho- Là dùl jơi tam gơl să di gơlan lơh gơtờp mhar, JN.1 là bơta tờm lơh gơguh khà cau gơtờp kòp mờ chơ̆t tàm ờ uă lơgar, tàm hơ̆ geh ờ uă lơgar tàm tiah đah jum măt tơngai lik câu Á. Tàm lơgar Việt Nam, cồng nha mblàng sền jăt tơl gen mờr 20 nă cau gơtờp kòp Kovid-19 pa do geh gŏ cau gơtờp jơi tam gơl să pa bơh Omicron dê JN.1. Jơh ală cau do ndrờm geh gŏ gơtìp jroă mờ ờ hềt cit tơl vaccin di jăt mờ jơnau sồr. Bơta kơlôi rơcang ngan là khà cau mŭt piam tài kòp Kovid-19 tàm ală hìu sơnơm geh tơngŏ gơguh rơhời tàm ală poh pa do, den tàng gah lơh sơnơm mờ làng bol bañ sền ờ sơ̆p, roh bơta rơcăng ngan tŭ jơnau kờñ tìp bal, lòt rê gơguh mhar di tàm Sa tềp.

VOV4.K’Ho- Ai broă gàr kloh niam phan sa ờ mìng gơrềng tus tơn mờ bơta pràn kơl dang să jan làng bol mờ gam lơh gơrềng tus mờ broă bơtàu tơnguh lơh sa mpồl bơtiàn càr dê. Nàng drơng làng bol wă rò Sa tềp nam Giáp Thìn mờ chờ nam pa kloh niam, pràn kơl dang să jan, Mpồl đơng lam ală gah lơh broă bè kloh niam phan sa càr Dăk Lăk neh mờ gam đơng lam lơh jăt nền nòn, pràn kơl dang broă gàr kloh niam phan sa tàm càr dê.

VOV4.K’Ho- Mờr Satềp, broă kờñ blơi phan bơh làng bol kis tàm càr Dăk Lăk gơguh uă, do kung là tŭ phan sa ƀơ̆, phan kă bro ờ git loh anih lơh gơs tăc tàm bơrlŭ bal tàm drà kă bro. Nàng sền gàr cau ngui sa, mpồl lơh broă geh gơnoar neh lơh pràn broă tam dră nàng kơrian mờ lơh glài di tŭ ală broă lơh tìs mờ adăt boh lam bè kloh niam phan sa.

VOV4.K'Ho- Gơprồ as dờng tuyến tiền liệt là kòp uă ngan tàm cau klau dờng sơnam tài bơta kra să jan dê. Do là kòp mờng gơbàn ơm dơ̆ 3 tơnơ̆ kòp lŭ tàm leh mờ bơtờp ƀơ̆ gùng đồm. Kòp lơh gơ rềng uă ngan tus pràn kơldang să jan cau kòp dê, bulah bè hơ̆, geh uă cau kòp kung gam sền ờ sơp tŭ geh tềl tơnggŏ kòp, ờ lòt kham, sơm gờñ lơh kòp gơbàn uă jơnau ờ niam gơ lời wơl, lơh gơ rềng tus pràn kơldang să jan, geh tŭ sơbơng roh tus màng kis.

VOV4.K’Ho- Hìu sơnơm kơnhoàl Chư Sê, càr Gia Lai pa dờp 3 nă oh mi khih tài bơh sa poăc mờ tăp kĭt trồ. Tŭ do 2 nă kơnòm dềt neh chơ̆t, 1 nă gam sơm tàm hìu sơnơm.

VOV4.K’Ho- Pơrjum cau ala măt gùt lơgar Mpồl cau lơh sơnơm kơnòm să Việt Nam dơ̆ IV, tơngai lơh broă bơh nam 2020 tus 2025 neh ai: “Cau lơh sơnơm kơnòm să lơh broă nùs nhơm dong kờl is tài dùl lơgar Việt Nam pràn kơl dang” mờ lơh jăt 2 broă lơh: “Cau lơh sơnơm kơnòm să lam lài, bơceh pa tàm broă kơlôi sơnơng khoa họk mờ tơnguh bơta niam” mờ “Cau lơh sơnơm kơnòm să lam lài, lơh broă nùs nhơm dong kờl is tài bơta pràn kơl dang să jan mpồl bơtiàn”. Tơngai do, Mpồl cau lơh sơnơm kơnòm să ală càr, ƀòn dờng tàm gùt lơgar gam lơh ală broă lơh do.