VOV4.K’Ho- Bơh git nđờ rài do, kòn cau Tày neh git ngui nha chi brê mờ ală bơta chi lơh sơnơm geh is nàng lơh sơnơm sơm kòp. Bơh bồ ƀòn tus mờ ală bă brê hòn is, làng bol ndrờm gơtùi jòi gŏ ală tờm sơnơm, mơya kòn cau Tày tơl tiah geh broă pơgồp bal nàng geh ală bơta sơnơm sơm kòp krơi is. Ală he tus bal jòi sền nàng git broă lơh sơnơm brê nha chi ờs mờng bơh yau kòn cau Tày dê tàm kơnhoàl Ba Chẽ, càr Quảng Ninh.

VOV4.K’Ho- Ngai 22/12, Anih tờm gròi sền kòp tê jê să càr Gia Lai pà gĭt pa geh tai 1 nă cau chơ̆t tài bơh kòp sơnrang tàm kơnhoàl Đức Cơ.

VOV4.K'Ho - Drim ngai 22/12, Mpồl cau lơh sơnơm kơnòm să càr Dăk Lăk bơyai lơh pơrjum dơ̆ 4. Jơnau kờñ bơh mpồl dê tàm tơngai tus mờ gàr sùm ală broă lơh dong kờl is tài pràn kơldang să jan mpồl bơtiàn; sơlơ tơnguh tai broă lơh bơh Mpồl cau lơh sơnơm kơnòm să dê tàm ală ƀòn làng bol ơm kis.

VOV4.K’Ho- Gơtờp bơh mè tus hờ kòn là 1 tàm 3 gùng gơtờp bơh kòp HIV dê. Den tàng, gơwèt mờ ală cau ùrgơtìp kòp HIV, kờñ geh kòn pràn kơl dang sùm là nùs nhơm kơ̆p kờñ uă ngan. Jơnau kờñ lơh mè bơh ală cau dêgơtìp kal ke ngan, tài ală cau do kong gơtìp mờ uă bơta gơkòl bơh kòp tê jê să. Mơya, ală nam pa do, kơnờm mờ broă bơtàu tơnguh bơh gah lơh sơnơm pa dê, cau ùr gơtìp kòp HIV ha là geh bal ală cau tàm hìu nhă geh mè, bèp gơtìp kòp HIV neh gơtùi deh kòp pràn kơl dang tài kơnờm bơh broă rơcang tus hờ hìu sơnơm nàng geh bơto pơlam, rơcang lài tơl ală bơta, dong kờl tơmù uă ngan ală bơta di gơlan lơh gơtờp kòp HIV bơh mè tus hờ kòn.

VOV4.K’Ho- Anih tờm Gròi sền kòp tê jê să càr Gia Lai pa gŏ tai dùl nă cau chơ̆t tài bơh kòp sơnrang tàm ù tiah kơnhoàl Chư Sê, tơnguh jơh khà cau chơ̆t tài kòp sơnrang tàm càr Gia Lai gơguh tus 13 nă, uă ngan rlau jơh gùt lơgar bơh bồ nam tus tŭ do.

VOV4.K'Ho - Jat khà tơrgùm kờp bơh Anih tờm gròi sền kòp tê jê să càr Dăk Lăk dê, kờp tus ngai 12/12/2023, gùt càr git gŏ mờr 5 rbô nă cau gơbàn kòp sốt xuất huyết, tàm hơ̆ geh 6 nă cau chơt. Bơta pal kơlôi rơcang là tàm khà ală cau chơt, geh tus 4 nă là oh dềt hơ đơm 15 sơnam. Den tàng, ală mè bèp pal sền ngac, ngan là gơ wèt mờ kơnòm dềt lơ mă ir, kơnòm dềt mùl geh kòp tàm să tŭ gơbàn kòp sốt xuất huyết den ƀuơn ngan gơbàn jroă, lơh gơbàn sơ bơng roh ngan tus pràn kơldang să jan mờ màng kis kơnòm dềt dê.

VOV4.K’Ho- Tàm 3 ngai, bơh ngai 29/11 tus ngai 01/12, tàm kơnhoàl Dăk Glong, càr Dăk Nông, Anih tờm yal tơngĭt Bơto bơtê pràn kơl dang să jan Dà lơgar pơgồp bal mờ Kụk Atbồ lơh sơnơm, phan lơh sơnơm yau (Ƀộ Y tế) bơyai lơh Cribơyai bơto pơlam tam pà bơta mờng chài lơh broă yal tơngĭt tơnguh uă broă bơt bơtàu lơh uă tam phan jat anih lơh broă geh kwơ, tiah tam phan lơh sơnơm kwơ, gơ hòi gơ jà bơcri priă tiah làng bol jơi bơtiàn dồ ết nă cau mờ tiah kơh bơnơm.

VOV4.K’Ho- Kơnòm dềt sùm kờñ ntoăt gơlềng gơlàng mờ kal ke ngan gơtùi ơm nggui mŏ dùl anih, mơya dilah kờñ ntoăt gơlềng gơlàng, nhơl bơsèl ir rlau mờ bơta gròi sền den digơlan ngan hơ̆ là jơnau tơngŏ bơta kơnòm dềt gơtìp jơnau ờ niam tàm hwềng nùs gơmù bơta sền ngăc, dùl jơnau ờ niam dờng pràn sùm gơbàn tàm kơnòm dềt bơh 3 tus 11 sơnam, kờñ pal gờñ geh sền gŏ mờ dong kờl di tŭ, pleh gơrềng tus broă lơh, nùs nhơm bồ tơngoh mờ rài kis kơnòm dềt dê tơnơ̆ do.

VOV4.K'Ho - Jat ƀák sĩ Phạm Hoài An, Hìu sơnơm Thiện Hạnh, càr Dăk Lăk yal, mho ngai 22/11, Khoa kấp kứu bơh hìu sơnơm do dê dờp 17 nă kơnòm bơsram mut tàm hìu sơnơm mờ tềl tơnggŏ bơh bơta khih phan sa dê.

VOV4.K’Ho- Kòp đồm sơdàng type 2 là kòp sơbơng roh ngan mờ khà chơt să ơm dơ̆ 3 tàm dunia, mìng tơnơ̆ kòp ung thư mờ kòp plai nùs. Kòp đồm sơdàng dilah ờ geh git gŏ mờ sơm di tŭ den digơlan lơh gơbàn dùl ròt ală jơnau ờ niam sơbơng roh ngan lơh cau kòp gơtìp kuet kơlte mờ pal kong mờ ală jơnau gơ lời wơl ờ gơtùi git lài bè pràn kơldang să jan, màng kis. Bulah bè hơ̆, bơta pal kơlôi rơcang là kòp gơbàn dồ bă ngềt ngơt, jơh ală cau kòp mìng git gơbàn kòp tơnơ̆ tŭ neh geh ală bơta ờ niam bè gùng mhàm plai nùs, jơngo mat, ờ pràn leh, pal koh lut jơh jơng tê….