Bơh bồ nam tus tŭ do, càr Kon Tum geh 33 tiah kòp mprờm gơlik mhàm mờ rlau 160 nă cau bơtờp kòp, pơndrờm dùl tŭ bal mờ nam lài gơguh 10 tiah kòp mờ gơguh 98 nă cau bơtờp kòp.

Tŭ do, kòp mprơm gơlik mhàm tàm càr Kon Tum gam bơtờp uă tiah. Bè tàm kơnhoàl Kon Plông, tiah ală nam lài ờ hềt geh cau kòp lơi, tŭ do geh tiah kòp mờ 4 nă cau bơtờp kòp mprơm gơlik mhàm. Ai tàm kơnhoàl Kon Rẫy neh geh rlau 110 nă cau bơtờp kòp mprơm gơlik mhàm, uă ngan rlau jơh tàm ală kơnhoàl, ƀòn dờng càr Kon Tum dê bulah neh rcang lài lam lơh broă lơh rcang lài kơryan kòp. Càr Kon Tum neh pồ tơl mpồl sồr lơh rcang lài kơryan kòp ală kấp; rcang priă jền, phan bơna gah lơh sơnơm, mblàng yal, bơto pơlam tơn bơta gĭt wă rcang lài kơryan kòp mprơn gơlik mhàm ai mờr 26 rơbô dơ̆ làng bol in, lam lơh rlau 2 rơbô 200 dơ̆ ai cau lòt gơ sơ̆t kih dà.