Cau gơtìp rềs àr do geh jun dong kờl mhar tàm Hìu sơnơm tŭ 10 jiơ mang ngai 18/12 tàm bơta lề trak mpàng tê kiau, sồt tềng măt đah ma tài phàu bơrtoh. Ƀák sĩ ồng Trần Minh Trực- Kwang ătbồ Gah Sồt să- Lơh niam wơl să jan Hìu sơnơm dờng tiah Tây Nguyên, pà gĭt: tài bơh sồt kơn jơ̆ ir, ală ƀak sĩ neh pal koh sang 3 nơm nau tê tàm mpàng tê đah kiau bơh oh klau do dê, mơkung sơm sồt tềng măt. Bơta pràn kơldang să jan tŭ do bơh oh dê neh niam đau, mơya pơhìn sồt mồr kung gam uă sơl.

Lài hơ̆, Hìu sơnơm kung dờp 4 nă oh dềt gơtìp sồt să uă tài phào mòn is. Ală ƀak sĩ tơngkah, sa tềp mờr tus, kơnòm dềt ƀươn ngan gơhoài gơ jà tàm broă lơh mòn phàu bơh internet mpồl bơtiàn, lơh gơbàn uă bơta sơbơng roh. Ală mè bèp mờ hìu bơsram pal sơlơ tơngguh tai mblàng yal nàng sền gàr niam lơngăp lơngai kòn dềt in.