Do là cau dơ̆ 7 chơ̆t pin tài kòp sơnrang tàm Dăk Lăk tàm nam do. Ùr kòp do deh nam 1975 ơm tàm xã Ea Tar, kơnhoàl Cư Mgar. Jăt sră nggal cih bơta kòp, ngai 17/11, cau kòp gơ tơnggŏ ală bơta bè să glar, ngòt dà, ngòt càl, geh cau hìu bơnhă lòt jun kham tàm Hìu sơnơm dờng tiah Tây Nguyên.

Tàm do, ală ƀak sĩ kham mờ jăt sền bơta kòp gơbàn sơnrang. Tus drim ngai 18/11, cau kòp chơ̆t. Jăt cau hìu bơnhă cau kòp dê yal, yah mờ ngai mŭt piam kòp tàm hìu sơnơm di 2 nhai, cau kòp gơtìp so ròng tàm hìu kăp tềng đah tê ma mờ ờ lòt cĭt vaccine rơcăng kòp sơnrang.