Dăk Lăk rơcang lài kơryan tiah kòp sởi lơh bơtờp uă tàm mpồl bơtiàn
Thứ ba, 08:48, 16/07/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Jat jơnau yal bơh Anih tờm gròi sền kòp tê jê să càr Dăk Lăk, tàm ù tiah càr pa cih dờp dùl tiah kòp sởi tàm kơnhoàl Cư Kuiñ. Tŭ do gah lơh sơnơm càr neh lơh ală broă lơh kơryan kòp, ờ lời kòp bơtờp tus tàm ù tiah.
Tiah kòp gơlik geh tàm xã Ea Bhốk mờ Drây Bhăng mờ 2 nă cau kòp mờ kòp sởi. Jat ƀák sĩ Nguyễn Khắc Dũng– Kwang atbồ hìu sơnơm kơnhoàl Cư Kuiñ, càr Dăk Lăk, tơnơ̆ tŭ gĭt tiah kòp, Hìu sơnơm neh pơgồp bal mờ Anih tờm gròi sền kòp tê jê să mờ Hìu sơnơm xã lơh dơ̆ lòt sền, jat sền cau kòp, bơsong tiah ơm kis mờ dà sơnơm Cloramin B; bơto pơlam hìu bơnhă broă lơh kloh khuẩn phan nhơl, phan sa, tiah nhơl kơnòm dềt mờ mblàng yal tơn broă lơh rcang lài kơryan kòp sởi tàm tiah gùt dar hìu cau kòp dê.
Mơkung lơh dơ̆ lòt sền, kờp sền tơrgùm kờp jơh ală kơnòm dềt hơđơm 5 sơnam ờ hềt geh cĭt vaccinre, ờ hềt cĭt tơl ding vaccine halà ờ gĭt loh neh cĭt halà ờ vaccine rcang lài kòp sởi, sởi- rubella nàng cĭt bơtơl, cĭt tai ai kơnòm dềt in.
Viết bình luận