Jăt anih tờm gròi sền kòp tê jê să (CDC) càr Dăk Lăk yal, kòn dềt do là kòn ùr, deh nam 2016 tàm xã Ea Hồ, kơnhoàl Krông Năng.

Jăt cau tàm hìu yal, ngai 17 nhai 07, kòn ùr dềt do gơtìp duh să uă, jê bồ, geh lòt kham mờ sơm kòp tàm hìu sơnơm kơnhoàl Krông Năng. Tus ngai 20 nhai 07, kòn ùr dềt do geh cèng tus hìu sơnơm dờng tiah Tây Nguyên mờ bơta sền gŏ duh să uă, jŏ ngai jăt broă sền gròi kòp sa sồt tơngoh Nhờk bản dê. Ngai 25 nhai 07, cồng nha sền mhàm pà gŏ geh gŏ mờ kòp as sồt tơngoh Nhờk Bản. Hìu sơnơm kơnhoàl Krông Năng neh lơh jăt broă pơs wàs kloh niam gùt dar hìu cau gơtìp kòp mờ tơnguh broă mblàng yal nàng ală cau gùt dar in git mờ geh broă rơcang kơrian mờ kòp.