VOV4.K’Ho- Anih tờm Gròi sền kòp tê jê să càr Gia Lai pa gŏ tai dùl nă cau chơ̆t tài bơh kòp sơnrang tàm ù tiah kơnhoàl Chư Sê, tơnguh jơh khà cau chơ̆t tài kòp sơnrang tàm càr Gia Lai gơguh tus 13 nă, uă ngan rlau jơh gùt lơgar bơh bồ nam tus tŭ do.

VOV4.K'Ho - Jat khà tơrgùm kờp bơh Anih tờm gròi sền kòp tê jê să càr Dăk Lăk dê, kờp tus ngai 12/12/2023, gùt càr git gŏ mờr 5 rbô nă cau gơbàn kòp sốt xuất huyết, tàm hơ̆ geh 6 nă cau chơt. Bơta pal kơlôi rơcang là tàm khà ală cau chơt, geh tus 4 nă là oh dềt hơ đơm 15 sơnam. Den tàng, ală mè bèp pal sền ngac, ngan là gơ wèt mờ kơnòm dềt lơ mă ir, kơnòm dềt mùl geh kòp tàm să tŭ gơbàn kòp sốt xuất huyết den ƀuơn ngan gơbàn jroă, lơh gơbàn sơ bơng roh ngan tus pràn kơldang să jan mờ màng kis kơnòm dềt dê.

VOV4.K’Ho- Tàm 3 ngai, bơh ngai 29/11 tus ngai 01/12, tàm kơnhoàl Dăk Glong, càr Dăk Nông, Anih tờm yal tơngĭt Bơto bơtê pràn kơl dang să jan Dà lơgar pơgồp bal mờ Kụk Atbồ lơh sơnơm, phan lơh sơnơm yau (Ƀộ Y tế) bơyai lơh Cribơyai bơto pơlam tam pà bơta mờng chài lơh broă yal tơngĭt tơnguh uă broă bơt bơtàu lơh uă tam phan jat anih lơh broă geh kwơ, tiah tam phan lơh sơnơm kwơ, gơ hòi gơ jà bơcri priă tiah làng bol jơi bơtiàn dồ ết nă cau mờ tiah kơh bơnơm.

VOV4.K’Ho- Kơnòm dềt sùm kờñ ntoăt gơlềng gơlàng mờ kal ke ngan gơtùi ơm nggui mŏ dùl anih, mơya dilah kờñ ntoăt gơlềng gơlàng, nhơl bơsèl ir rlau mờ bơta gròi sền den digơlan ngan hơ̆ là jơnau tơngŏ bơta kơnòm dềt gơtìp jơnau ờ niam tàm hwềng nùs gơmù bơta sền ngăc, dùl jơnau ờ niam dờng pràn sùm gơbàn tàm kơnòm dềt bơh 3 tus 11 sơnam, kờñ pal gờñ geh sền gŏ mờ dong kờl di tŭ, pleh gơrềng tus broă lơh, nùs nhơm bồ tơngoh mờ rài kis kơnòm dềt dê tơnơ̆ do.

VOV4.K'Ho - Jat ƀák sĩ Phạm Hoài An, Hìu sơnơm Thiện Hạnh, càr Dăk Lăk yal, mho ngai 22/11, Khoa kấp kứu bơh hìu sơnơm do dê dờp 17 nă kơnòm bơsram mut tàm hìu sơnơm mờ tềl tơnggŏ bơh bơta khih phan sa dê.

VOV4.K’Ho- Kòp đồm sơdàng type 2 là kòp sơbơng roh ngan mờ khà chơt să ơm dơ̆ 3 tàm dunia, mìng tơnơ̆ kòp ung thư mờ kòp plai nùs. Kòp đồm sơdàng dilah ờ geh git gŏ mờ sơm di tŭ den digơlan lơh gơbàn dùl ròt ală jơnau ờ niam sơbơng roh ngan lơh cau kòp gơtìp kuet kơlte mờ pal kong mờ ală jơnau gơ lời wơl ờ gơtùi git lài bè pràn kơldang să jan, màng kis. Bulah bè hơ̆, bơta pal kơlôi rơcang là kòp gơbàn dồ bă ngềt ngơt, jơh ală cau kòp mìng git gơbàn kòp tơnơ̆ tŭ neh geh ală bơta ờ niam bè gùng mhàm plai nùs, jơngo mat, ờ pràn leh, pal koh lut jơh jơng tê….

VOV4.K’Ho- Jăt jơnau yal bơh Anih tờm Gròi sền kòp tê jê să càr Dăk Lăk dê yal, tàm ù tiah càr dê pa gŏ dùl nă kơnòm dềt chơ̆t tài bơh kòp jơng tê bơr.

VOV4.K’Ho- Tơnơ̆ mờ tơngai kal ke tài ờ tơl sơnơm mờ phan lơh broă gah lơh sơnơm, bàr nhai do, Hìu sơnơm kơnhoàl Krông Búk gam geh gal cau kòp tus kham mờ sơm kòp. Do là dùl tàm ờ uă hìu sơnơm tàm càr Dăk Lăk bơsong kal ke ờ tơl sơnơm mờ phan lơh broă gah lơh sơnơm, lơh jăt niam kơnòl broă sền gàr bơta pràn kơl dang să jan làng bol in.

VOV4.K’Ho- Kờp tus ngai 30 nhai 10, càr Gia Lai geh 12 nă cau gơtìp chơ̆t tài kòp sơnrang bơh bồ nam 2023.

VOV4.K'Ho - As sồt pròc dŭt là dùl kòp mhar kơn jơ̆ mờ là bơta kâp kưú ngoại khoa ngòt rơngơt digơlan gơbàn tàm khat tàm bơta sơnam lơi. Kòp dilah geh git gŏ gờñ mờ sơm di tŭ den ờ huan gơ rềng tus pràn kơldang să jan. Sơ lơŭ wơl, kòp digơlan lơh gơbàn ală jơnau gơ lời wơl ngòt rơngơt, geh tŭ là chơt să dilah broă git gŏ kòp jơla mờ bơsong ờ di bơta chài.