VOV4.K'Ho - Gơ drồl mhàm plai nùs gam hòi là pơhìn chơt să tài bơh mhàm ờ gơtùi lòt tus plai nùs là bơta plai nùs ờ tơl mhàm ròng mờ chơt tài bơh mạch vành, hơ̆ là gùng mhàm ròng plai nùs gơtìp kòl nisơna tài bơh pơnai mhàm tàm dơlam gùng mhàm. Dilah khà mhàm ờ geh gơtùi lòt wơl sơrbac mhar, bơta gơ drồl mhàm plai nùs mhar digơlan lơh aniai tus plai nùs sùm sùm mờ chơt să. Den tàng, broă jal mhar sơm, ngan là tàm 6 jơ sơn rờp, do là tŭ tơngai geh sền là tơngai “kuơmàng ngan rlau jơh”, tŭ kòp sơn đờm gơbàn geh kuơ dờng màng ngan, nàng gơtùi dong cau kòp lik klàs bơh bơta ngòt rơngơt.

VOV4.K’Ho- Tàm ală nam do, càr Dăk Lăk neh lơh uă broă dong kờl nàng hòi jà ƀák sĩ tus lơh broă tàm ală tiah, mơya tài bơta kal ke bơh broă lơh bal mờ priă geh ờ hềt di pal den tàng ờ hòi jà geh ală y ƀák sĩ tus lơh broă tàm ală tiah. Bơta do lơh ờ niam uă ngan tus mờ broă kham, sơm kòp, bơta gal ir cau kòp kung gơlik geh tàm uă tiah.

VOV4.K’Ho- Tàm càr Dăk Lăk, kòp sốt xuất huyết gam lơh bơtờp uă ngan, làng bol kung gam ờ gŏ rơcăng ngăc sơl tàm broă lơh rơcăng lài pleh mờ kòp.

VOV4.K'Ho- Di dơ̆ do, Kông 715 gam lam lơh jàu 300 bơnah phan pà ai ală cau cíñ sác tàm ù tiah kơnhoàl Ia Grai in.

VOV4.K’Ho- Tŭ gơtìp kòp ờ pràn leh, ală gơnoar bơh leh dê bè lơh ring bal dà, điện giải, tơlik ală phan khih lơh aniai tus mờ să jan lik hờ bơdìh bơh tàm dà đồm ờ geh tai. Den tàng, ală phan ƀơ̆tơlik, phan khih geh gơkòl tàm dơlam să. Mờ di lah ờ geh jồr mhàm di tŭ, jồr sùm, bơta pràn kơl dang să jan bơh cau kòp gơmù uă ngan, geh tŭ gơtìp ngòt rơngơ̆t tus mờ màng kis.

VOV4.K’Ho- Kòp sốt xuất huyết gam lơh bơtờp uă ngan tàm càr Gia Lai. Gah lơh broă geh gơnoar gam lơh pràn ală broă lơh rơcăng sơndră.

VOV4.K’Ho- Kòp đồm sơdàng tàm tơngai geh bun là bơta khà sơdàng tàm mhàm uă rơlao mờ bè ờs, gơlik geh tàm tơngai geh bun, mờng geh lơh xét nghiệm, gŏ bơh tŭ geh bun tàm tơungai bơh 24 tus 28 poh. Di lah kòp ờ geh sền nàng git mờ sơm kòp di tŭ den di gơlan lơh gơlời wơl ngòt rơngơ̆t ngan tus mờ bơta pràn kơl dang să jan bơh cau mè mờ kòn se.

VOV4.K’Ho- Tơngai lơh jăt bơh ngai 01/01/2022 tus ngai 31/12/2023 mờ kờp jơh priă tă lơh là rlau 68 tơmàn đong.

VOV4.K’Ho- Mìng tàm nhai 6 nam 2023, càr Dăk Lăk pơn jăt tơn geh gŏ 2 nă kòn dềt gơtìp kòp as sồt tơngoh Nhờk Ƀản. Do là dùl tàm ală bơta kòp gơtờp mhar ngòt rơngơ̆t ngan, lơh aniai uă ngan tàm tơngoh, gơlời uă bơta ờ niam, geh tŭ lơh gơtìp chơ̆t tus mờ kòn dềt tŭ gơtìp kòp do.

VOV4.K'Ho- Jat jơnau yal bơh Anih tờm Gròi sền kòp tê jê să càr Dăk Lăk dê, tàm càr pa geh dùl nă cau chơt tài bơh kòp sốt xuất huyết Dengue.