Do là cau chơ̆t dơ̆ 4 tài bơh kòp sơnrang tàm kơnhoàl do dê mờ là cau chơ̆t dơ̆ 14 tàm gùt càr dê kờp bơh bồ nam tus tŭ do. Cau chơ̆t là oh Trần Dương Minh C (deh 2017, ơm tàm ƀòn Al Gôn, xã Ia Din, kơnhoàl Đức Cơ). Jat jơnau yal bơh cau tàm hìu bơnhă dê, pơgap mờ do 3 nhai, cau kòp gơtìp so ròng tàm hìu (so ròng lơh niam) koah sồt dồ ết den ờ gŏ lòt cĭt sơnơm vaccine rcang sơndră kòp mờ huyết thanh rơcang sơndră kòp sơnrang.

Tơnơ̆ tŭ dờp geh cau chơ̆t tài bơh kòp sơnrang, Hìu sơnơm kơnhoàl Đức Cơ neh mblàng yal ai hìu bơnhă mờ làng bol ơm rềp bal mờ hìu bơnhă cau chơ̆t dê bè bơta ngòt rơngơ̆t bơh kòp sơnrang, nàng kờñ tơnguh uă bơta gĭt wă bơh làng bol dê bè broă cĭt sơnơm rcang sơndră kòp sơnrang tơnơ̆ tŭ gơtìp so pin sơnrang kăp halà tus tàm hìu sơnơm nàng geh bơto pơlam. Mờ 14 nă cau chơ̆t tài bơh kòp sơnrang, càr Gia Lai gam là càr geh khà cau chơ̆t uă ngàn rlau jơh tàm gùt lơgar tàm nam 2023 dê.