Tus lồi nam 2023, càr Gia Lai geh 1 tơlak 400 rbô nă cau blơi ƀảo hiểm y tế, geh rlau 91% khà kờp làng bol. Tàm hơ̆, khà cau jơi bơtiàn dồ êt nă cau blơi ƀảo hiểm y tế geh mờr 82%. Càr tŭ do geh 38 hìu sơnơm lam lơh kham sơm kòp ƀảo hiểm y tế, sền bal gàr niam broă lơh sền gàr pràn kơldang să jan làng bol in.

Tàm pơrjum, ala mat ală hìu sơnơm tàm càr Gia Lai neh đơs 2, 3 bơta ờ niam bè: uă mpồl lơh sa kă bro ờ hềt sền gròi blơi ƀảo hiểm y tế ai cau lơh broă in; bơta anih lơh broă ƀảo hiểm xã hội càr lơyài tơm priă, broă ngui priă kham sơm kòp ờ hềt dipal mờ jơnau kờñ bơh làng bol dê. Càr Gia Lai pal geh broă lơh dipal nàng lơh geh jơnau kờñ tus lồi nam 2025 geh 95% khà kờp làng bol blơi ƀảo hiểm y tế, khà cau jơi bơtiàn dồ êt nă cau là 98%.