Jat tơngume 2 gah kĭ hơ, tơngai lơh jat rơndăp broă lơh bơh nam 2024 tus nam 2026 mờ kờp jơh priă dong kờl ờ tơm wơl bơh Cíñ phủ lơgar Nhờk dê là 1 tơmàn 830 tơlak yên, ndrờm mờ pơgap 300 tơmàn đong, tàm hơ̆ geh jơh ală priă ndai geh gơrềng. Kờp dŭ, phan bơna măi mok gah lơh sơnơm dê rơ̆p geh tàm jàu ai Hìu sơnơm K in mut  ngui lơh broă tàm qúy 4 nam 2025.

Ala mat Cíñ phủ lơgar Nhờk đơs nền: rơndăp broă lơh geh bơta dong kờl uă ngan bơh Cíñ phủ 2 lơgar dê, là cơng tàng loh làng ai bơta gĭt gơ̆p đah Việt Nam mờ Nhờk, lơgar lơh broă bal kwơ màng tơl làm tài ring lơngai mờ sơlơ bơtàu tơnguh tàm câu Á  mờ tàm gùt dunia di dơ̆ tơngkah kir sơnrai 50 nam lơh bơta gĭt gơ̆p cribơyai broă mờ lơgar ndai đah 2 lơgar dê. Đơs tàm dơ̆ kĭ hơ̆, Ƀộ trưởng Ƀộ Y tế Đào Hồng Lan đơs nền, do là rơndăp broă lơh geh gơtha kwơ màng uă ngan tàm broă tơnguh uă bơta pràn jak kham, sơm kòp ung bướu bơh gah lơh sơnơm Việt Nam dê.