Ai tơlik lài gùng dà pơgồp bal lơh broă tàm tơngai tus, Thủ tướng đơs nền tai 2, 3 tơngume geh 1 kơnòl broă tờm. Tàm hơ̆, kơnòl broă tờm là tơnguh rlau tai bơta niam, cồng nha broă lơh pơgồp bal đah 2 gah. Dơ̆ 2 là sền gròi tus rài kis phan bơna mờ nùs nhơm bơh cau lơh broă dê. Sơlơ tơnguh tai lơh broă mờ lơgar ndai, cribơyai mpồl bal, broă tờm là priă nhai, priă jờng, tŭ jơ lơh broă, tŭ jơ ơm rlô, lơngăp lơngai kloh niam lơh broă, sền gròi tus ală cau ờ sô, cau geh rài kis kal ke, cau tàm tiah sar lơgar ngài, tiah nhàr dà lơgar, bồt dà lềng in. 

Thủ tướng đơs tai, pal sền gròi uă tus broă hìu ơm ai cau lơh broă in. Dơ̆ 3 là sền gròi sền gàr gơnoar, bơta kuơ dipal bơh cau lơh broă dê jat Sơnua boh lam, adat boh lam mờ jat gùng dà, broă lơh, bơta dong kờl bơh Đảng dê. Sơlơ tơnguh tai lòt sền, lùp sền, jat sền broă lam lơh broă lơh dong kờl, adat boh lam geh gơ rềng tus gơnoar, bơta kuơ bơh đoàn viên, cau lơh broă mờ mpồl kông đoàn dê.