Mpồl tàm klăc Mpồl lơh sa kă bro Mỹ - APEC là dùl jơnau bơceh lơh geh đơng lam pơgồp bal bơh Ală mpồl gah lơh sa mờ măi mok geh anih lơh broă tàm lơgar Mỹ mờ neh tus bal uă nam tàm APEC. Ala mat ală mpồl lơh sa kă bro lơgar Mỹ tus bơh uă gah krơi is mờ uă ngan ndrờm geh rơndăp broă lơh bơcri priă tàm lơgar Việt Nam.

Củ tịc lơgar jờng rơ lơh broă bal đah Việt Nam mờ Mỹ sùm rề ơnàng mờ bơtàu tơnguh uă ngan tơnơ̆ 30 nam lơh bè ờs wơl bơta gĭt gơ̆p mờ rlau 1 nam tơnguh bơta gĭt gơ̆p Lơh broă bal kwơ màng tơl làm. Củ tịc lơgar đơs nền Việt Nam gam sùm lơh sir tiah bơcri priă kă bro jat gùng dà loh làng, song dơ pă, kơ̆ kơl jăp, di pal mờ kơrnoat boh lam ală lơgar dê nàng gơ hòi gơ jà bơcri priă. Tàm tơngai tam gơl lơh sa gùt plai ù, Củ tịc lơgar pà gĭt, Việt Nam kơ̆p kờñ lơh broă bal niam mờ ală mpồl lơh sa kă bro lơgar Mỹ mờ tiah APEC tàm ală gah măi mok pa mờ tam gơl pa bơceh lơh; năng lượng lơh gơlik wơl mờ bơtàu tơnguh tơlir.