Bơtơ̆t dơng dà Ia Ring tàm xã Ia Tiêm, kơnhoàl Chư Sê, càr Gia Lai pa gơlik geh bơta aniai ờ diơng, dà hòr bơh tàm tiah bơtơ̆t ơnàng pơgap 30 thơk gơ hòr tus tiah đah đơm. Tiah bluh geh bơta ơnàng pơgap 10thơk vuông tàm tiah đah đang bơtơ̆t dê rềp mờ mpồng tuh dà. Dà bơh tơnau dà gan tiah bluh bơtơ̆t dê neh hòr tàm tiah đah đơm lơh ngơr bam dà blàng sre bơh làng bol dê gam rcang tơnhào. Mpồl lơh broă geh gơnoar neh di tŭ bơsong bơta aniai.

 Anih duh broă làng bol càr Gia Lai neh geh sră nggal sồr lơh mhar ntrờn làng bol ơm kis lik bơh tiah sơngbơng roh tơnơ̆ bơta aniai bluh bơtơ̆t dơng dà Ia Ring. Is ồn, pal tơrgùm lam lơh broă lơh gàr niam lơngăp lơngai ai làng bol in tàm bơta digơlan gơlik geh jal mhar. Mơkung bơyai lơh rồn bơklơn ntrờn tàm tŭ geh mpồl cau, cau dồ nă să ờ bài lơh jat is jơnau sồr lơh, đơng lam, bơto pơlam ntrờn tài jơnau kờñ lơngăp lơngai ai làng bol in.