Do là Tập đoàn lơh sơnơm khà dùl lơgar Nhờk, lơh broă ờ kơlôi tus priă cồng, geh bal Hìu bơsram đại họk y khoa, ală hìu sơnơm, ală mpồl lơh broă bơta kwơ bal tàm gùt lơgar. Đơs tàm dơ̆ wă, Phó Thủ tướng ồng Lê Thành Long pà gĭt, bơta gĭt gơ̆p Việt Nam mờ Nhờk gam tàm tơngai bơtàu tơnguh niam bơnĕ. Ală rơndăp broă lơh lơh broă bal mờ Nhờk cèng wơl ală cồng nha niam ngan gơwèt mờ broă lơh sền gàr pràn kơl dang să jan ai làng bol Việt Nam in. Tă pơgồp tàm cồng nha bal do geh ală lơh ngan bơh Tập đoàn IHW mờ ồng Takagi Kuninori.

Phó Thủ tướng jờng Tập đoàn IHW kơlôi sơnơng, lam lơh ală rơndăp broă lơh bơcri priă mờ lơh hìu sơnơm jat broă lơgar Nhờk tàm lơgar Việt Nam, kơ̆p kờñ ală rơndăp broă lơh bơh IHW dê rơ̆p geh cồng nha, dong làng bol Việt Nam geh tŭ tơngai niam sền gàr pràn kơl dang să jan mờ măi mok, drơng broă lơh sơnơm pa ngan, pin dờn mờ niam ngan.