Broă lơh gơs, ai gùng che đèng 500kV che đèng 3 Phố Nối – Quảng Trạch ai ngui geh gơtha kuơmàng ngan. Thủ tướng Cíñ phủ sồr ală ƀộ, gah broă lơh dà lơgar, càr, mpồl lơh broă, kwang bàng, cau chài, cau lơh phan, cau lơh broă lơh ngan rlau tai, pơn đơl pràn rlau tai, sồr lơh rơndap broă lơh di tơngai pơrgon, tơnguh bơta niam, gàr niam lơngăp lơngai, gàr sàng goh tiah ơm kis, gàr geh wơl bơta pràn lơh broă mờ bơta kuơ bơh ală cau tờm geh gơ rềng dê; gàr niam gơnoar, bơta kuơ dipal bơh làng bol kis tàm tiah geh gùng che đèng lòt gan dê. Jàu Phó Thủ tướng Cíñ phủ ồng Trần Hồng Hà sồr lơh mờ jàu tơl broă ngan ngồn ai tơl ƀộ, gah broă lơh dà lơgar, càr in, Thủ tướng ồng Phạm Minh Chính sồr lơh wơl gùng che đèng di mờ tơngai pơrgon mờ lam lơh jat sền, sền sơ wì, sồr lơh jat tơl ngai, tơl poh bè tơngai pơrgon, hơ pờ đèng đèng, ai ngui gùng che đèng 500 Kv che đèng 3 Phố Nối – Quảng Trạch lài mờ ngai 30/6.